энгенер-шулкомучакш

Идалык Юмо йоратен лий!!!

С новым годом!
Идалык Юмо йоратен лий!!!
Кумылым нӧлтӧн шого, еш пиал дене, пеҥкыде тазалык дене, поро пошкудо да сай йолташ дене тичмаш перке дене, тыныс илыш дене идалык мучко илаш полшен шого!

Шорыкйол пайрем годым пелештыме мут!

А поро дене толын йӧратен лийын шого Ош Поро Кугу Юмо. А теве, идалыкын эн кужу йӱдым вучен шуктен тауштен ужатен колтенна, Эн кужу йӱд деч вара таче, икымше кугарня кечын мари калыкын чот вучымо да йӧратыме Шорыкйол пайрем толын шуын. А таче пайремышке толын да пайремнам йӧратен нал шого поро Шорыкйол Юмо! Шорыкйол Юмо дене пырля толын шого Поро Идалык Кугу Юмо! Тиде тичмаш мелнам тулыш чывыштал пыштен, тиде тичмаш корка гыч шонан пурам тулыш шыжыктен, марий калыкемлан родо шочшемлан, икшывемлан, йӧратыме ешемлан, поро пошкудемлан, кучымо вольыкемлан, ыштыме киндемлан перкем йодам. Тул Ава, тыйын шикшет кужу, йылмет пӱсӧ йоҥылыш ойлымемым, шонен шукты