Предыдущая публикация
Видео
Похожие видео
Рекомендации для вас
09:27
Baloğlan Cəlil - Vənəşə
27 просмотров
27 февMP3 LİNK https://cloud.mail.ru/public/ti7r/dMRjbkHrU
Baloğlan Cəlil: VƏNƏŞƏ
Çəmə xəlği yolə şair
bə Zulfuqar Əhmədzadə (Pensəj)
ğəribəti kəşə rufi xoto...
(Lirik poema)
Voə jitono hıtəbiş,
Bə kuli tor tı dəbiş.
Nıznəme qınom çiçbe,
Tı bəmı ğısmət nıbiş…
Tınım vinde honiədə,
Conım ıştı conədə ...
Dılım nome bıçınım ,
Tını kuli bınədə…
Im honi, ə honi ni,
Kinon əçı kəno ni.
Iştə dıli sıxani,
Vote ıştı hınə ni.
Tı çiçiku tarsedəş,
Qidi-qidi larzedəş?
Kuli jiton qibəkul,
Iştə dıli hardedəş.
Dılım ıştı dılisə,
Qardə bəştı dıli sə.
Bızanqonən bə canqin,
Iştı dimi xolisə.
Tı bı dınyo bovə ni ,
Xosə dusı, hovə ni.
Bəne sutə pəlüş tı,
Bə qiləvoən tovı ni.
Votdən: tukı kıləşe,
Rujonı bə kulə şe.
Boçi damə bedəniş?
Iştı nomən Tolışe?
Tıni bə boğ kaştənin,
Bə məclison haştənin.
Iştı bəxti siyo çoxo,
Hələ hıtə,eştəni.
Okoriəş bə bandı-ku,
Das oşandəş bı Buku.
Əv bətı diə əkəni,
Bəştə tonon ha bıku...
Buku həni bu beşə,
Har şe jedə bə həşə.
Tıni bə yod vardəni,
İjən şedəş bə vişə.
Vənəşə, ay vənəşə.
Joğo qılə dardədəm,
Imi zındə har odəm.
Ha kəs bətı diə kardə,
Az botIno mardedəm.
Dınyo qınyə bə yəndı,
Kırtəğ ğandən çı yəndı .
Suluk kardənin həni,
Pəvəndionən dı yəndı.
Bılbıl be ko mandəni,
Əv kefiku handəni,
Bətı mahne peğandən,
Iştı dardi zındənin...
Dəstə - dastə vənəşon,
Şedən ijən bə nışon.
Əv ki be voə jitono,
Marde be nom,be nışon?
Məvotənən, marde şe,
Əv nimədə mande, şe.
Se ruj, se şəv nıhıte,
Dınyo beyoş kırdi je.
Jimon joğo davarde,
Çokiş karde, ru barde.
Dard tov ome bə dıyo,
Çəşi arsış ru karde.
Əv ım rujon vindəbe,
Çoko bəbe, zındəbe .
Əçı ğəbi nıkandə,
Çey çolışon kandəbe.
Votdən: qıle ğəb hıse,
Səy sığış ni ğəbisə.
Zulfuqare, əv votdən,
Sutdə əçı ğəb ısə.
Sutdə ğələm,doğ bedə,
Im ğəb əçı ğəbebən.
Bəne be moə əğılon,
Ğəbən yətim əbibən.
Omə kəs ni, şə kəs ni,
Əçı dıli sə kəs ni.
Ğəbən bəne qofeye,
Bəyo ləylə jə kəs ni...
Ruf bə vanqe, conım hey,
Konco mandiş inəm, hey.
Az boşməno həlok bim,
Hovəm, dodom, nənəm,hey!
Sinə sığış, kumış ni,
Həni bəmə umiş ni,
Harcio əçı nom hıse,
Ğəbi kuti nomış ni.
Ey dəməş ve ehande,
Beşe şe hande-hande.
Ənə bəştə səşon je,
Bəyo səy sığ nımande.
Sibirədə ğəb hıse,
Joğo sıxan, qəp hıse.
Hınəmon ni bışamon,
Əmə bəçı ğəbi se…
Kıve çəmə nəhənqon,
Babəki kardə canqon?
Kəynə beşte bə sə po,
Çəmə hıtə pələnqon?
Mandə əyo çəş bəro,
Dılış pidə pepəro...
Astonış zikkə jedə,
Məsedəni Ostoro…
Məsedəni ə Lankon
Im Masali, ə Akon…
Lik peşədə bə Pensə,
Dəvulə bedə bə Moğon…
Tolış bəvdən hıtəbe,
Hıte - hıte xəto be.
Həmə ımi zındəbin,
Əv şeiri Xıdo be...
Əv şeiri Xıdo be,
Həxe votə sədo be...
Ranq-reçinə vənəşon,
Bəyo hovə, dodo be.
Vote: çımı zıvoni,
Erjon qəte hınə ni.
İ ruj oveyz bağande,
Şımə qətə səvoni…
Kavu bəbe, şiv bəje,
Ruj obəbe, şəv bəşe.
Xıdo əmonəte əv,
Əv mardəni, əv bəjiye...
Həşi beştə maştəsə,
Əv qardedə bəştı sə.
Iştı ğəbi sinəsə,
Okardedə ıştə sə.
Im sırri tı ha edə ,
Zındəm, əvı ve pidə.
Nunəkele Ovşumən,
Iştı səyku pemedə.
Şoyvo kardə vənəşon,
Bır-kımotdə həvəşion.
Neçion beşdən bı zuze,
Dıştə şəkbə də quşon.
Curi bəmə nez bedən,
Çəmə ağli dızedən.
Kali çəmə sıponən,
Bəne bəvon zuzedən.
Cənışon dı du şedə ,
Çı Ovşumi zu sedən.
Tıni aşiş haştənin,
Əyoən ıştı zuzedən…
Ə bandon, çəmə bandin,
Dılisoxt bəmə bandin.
Pevlo bimon bə kəvşən,
Ə bandon, boki mandin?
Dılım sutə...ve vəşə,
Ha ruj əçı palu şə.
İdə ruji boməm az,
Tıni bəjem bə ləşə,
Vənəşə,ay vənəşə!
Vənəşə,ay vənəşə...
03.05.22.Ufa.
Kadusiyon kanali fəaliyəti əniyən
ozavziyeş piəkəson ianə karde bəzınen
Kadusiyon kanalının fəaliyyətinin dahada
inkişafını istəyənlər ianə edə bilərlər
5522 0993 5266 6291 (12/28)
Свернуть
