Предыдущая публикация
Видео
Похожие видео
Рекомендации для вас
01:52
Василий Крылов «Мо тугай театр»
790 просмотров
23 мар 2018https://www.ok.ru/#cb1521782950478
2018 ий театрлан пӧлеклалтын.
Сценыште модмо икусство пеш шукерте ожно Грецийыште шочын. Тусо калыкын йылмыж гыч марлашке кусараш гын, театр – ончаш погынымо вер. Революций деч ончыч марий-влакын тыгай верышт уке улмаш да лийынжат кертын огыл. Но илыш ончыко кайыме семын калыкнан ушан-шотан шочшыжо-влак театрын кӱлешлыкшым раш умыленыт да тудым ыштыме нерген мутым тарватеныт. 1918 ийыште туныктышо, самырык драматург А. Ф. Конаков Шернур педкурсышто театральный коллективым чумыра. Тунамак Вяткыште (кызыт Киров ола) йошкар салтак-влакын театрышт шочеш. Морко селаште иканаште кок самодеательный коллектив ышталтеш.
2018 ийыште лӱмгечыштым палемдыше Морко поэт, писатель, журналист-влак кокла гыч Василий Крыловат 4 майыште 65 ийым вачӱмбакыже пышта ыле. Творческий корныжо тӱрлӧ шӧрынан лийын. Россий писатель ушемын Марий Элысе пӧлкажым вуйлатен, «Марий журнал» ГУКП-н директоржо лийын. Чумыр налмаште, 1968 ий гыч тӱҥалын, тудо чылаже шым книгам савыктен луктын. Шулдыр Васлий тыршен пашам ыштыше автор лийын.
Василий Крыловынат, сылнымут аршашыже кокла гыч, «Мо тугай театр?» лӱман почеламутшо уло.
Свернуть
