ՔՈ ՁԱՅՆԸ http://www.galatv.am/ Գյումրեցի ազատամարտիկ Մկրտիչ Բաղդասարյանն այսօր դիմում-բողոք է հղել ՀՀ իշխանություններին, որով նշում է, որ իրեն անապահով է զգում Հայաստանում եւ գտնում է, որ հաղթանակած հայրենիքում, ուր ինքն անգամ գրանցում չունի, նպատակահարմար է համարում իր արյան գնով ձեռք բերված մարտական մեդալներն ու շքանշանները հանձնել ՀՀ պաշտպանության նախարարին: Այսօր լրագրողների հետ հանդիպման ժամանակ նա նշել է նաեւ, որ պատրաստ է անգամ հրաժարվել իրեն տրվող կենսաթոշակից: Շատերն են այս ընթացքում փորձել համոզել ազատամարտիկին, որ ետ կանգնի իր այդ քայլից, մեր նախորդ տեսաանդրադարձից հետո նրան զանգել են Ռուսաստանի Դաշնությունից, Ավստրիայից, գումարային աջակցություն ցուցաբերել, սակայն այսօր Մկրտիչ Բաղդասարյանը հայտարարել է, թե ոչինչ եւ ոչ մի բան իրեն չի ստիպելու, որ չգնա այդ քայլին: