Предыдущая публикация
Canından can ayırıb dünya
yaratdın,
Dünyamın ən böyük sahibi anam.
Məni məndən də çox sən
düşünürsən,
Gecə lay-lay deyib yatmayan
anam.
*****
Uşaqlıqda səni çox incitmişəm,
Söz qaytarıb, xətrinə də
dəymişəm.
Dərsdən qaçıb, sənə yalan
demişəm,
Mənə görə saçı ağaran anam.
*****
Yadımdadır, çətin günlər yaşadıq,
Yarım çörək ilə bizi böyütdün.
Qadın kimi çox arzundan vaz
keçdin,
Ana kimi arzuna çatan anam.
*****
Sənin dəyərini ölçə bilmərəm,
Dəyərlər dəyəri səndən ucuzdur.
Sənin dəyərini bir Allah bilir,
Allah qədər çox dəyərlisən, anam!
Следующая публикация
Нет комментариев