Кельгома алят!

Масторонь аралаень шить мархта! Уледа павазут, шумбрат и мяляфтость: кудса эсонт фалу учихть.
КУДУ СЁРМА
Аляй, тяда канзедь инксон,
Тяда пичедь – мон шисан:
Якстерь Армияса служан,
Тяшнян моронят, шумбран.
Лятфнян веленьконь, луганьконь,
Пиче виреть, Мокша ляйть.
Велеть крайста тумонь рощать,
Тинге фталда начка шяйть.
Коса шада ланга венчса
Шабакс пингстон уйфнемайть,
Рощав пачфнемайть и тейне
Калонь кундамать пяк шнайть.
Лятфнян, кода калхт ляйть лангса
Мархтот кунцеме тунда,
Кода бреднек мархта шаронтф
Эрьхкнень ланга кизонда.
Лятфнян, кода тумстон корхнеть,
Тейне макссеть тон накаст,
Кода ардомстонок, аляй,
Сельмоветтне цють срхкасть.
Кода тядязе руцянят
Тейне прянянц нолдазь стась,
И сонь щёканц ланга валда
Путерькст лангозост синь прасть.
Аляй, тяда канзедь инксон,
Тяда пичедь – мон шисан:
Якстерь Армияса служан,
Тяшнян моронят, шумбран.