Ырӑ ĕҫ ырӑпах таврӑнни ĕмĕрех паллӑ.

Украинӑри ҫар операцийĕ пуҫлансан Вӑтаел ачисем те вӑрҫа тухса кайрĕҫ. Ял халӑхĕ усал хыпара та чӑтса ирттерчĕ. Ниме пӑхмасӑрах ҫарти ентешсем валли гуманитари пулӑшӑвне те темиҫе хутчен ҫитерме пултарчĕ. Ҫав вӑхӑтрах, ӑшӑ вырӑн ҫуккине пӑхмасӑрах, ял хĕрарӑмĕсем ҫуркуннеренпе маскировка сеткисене ҫыхаҫҫĕ. Халĕ те Украинӑран курма килнĕ Дима Щербаков валли сетка ҫыхса парса ячĕҫ. Ял халӑхĕ пурте кар тӑрса вӑрҫӑри салтаксем валли кучченеҫ те хатĕрлерĕ. Пĕтĕм салтаксен ячĕпе Димитрий Щербаков тав сӑмахĕ каларĕ. Ҫĕнтерӳпе таврӑнма сӑмах пачĕ.