ОМСКАЯ ЕПАРХИЯ

Евангелие дня (4 января)

Лк 16:10–15 (зачало 81)
На церковнославянском языке, гражданским шрифтом:
Рече́ Госпо́дь: ве́рный в ма́ле, и во мно́зе ве́рен есть, и непра́ведный в ма́ле, и во мно́зе непра́веден есть. А́ще у́бо в непра́веднем име́нии ве́рни не бы́сте, во и́стиннем кто вам ве́ру и́мет? И а́ще в чуже́м ве́рни не бы́сте, ва́ше кто вам даст? Ники́йже раб мо́жет двема́ господи́нома рабо́тати, лю́бо еди́наго возненави́дит, а друга́го возлю́бит, или́ еди́наго держи́тся, о друзе́м же нераде́ти на́чнет. Не мо́жете Бо́гу рабо́тати и мамо́не. Слы́шаху же сия́ вся и фарисе́е, сребролю́бцы су́ще, руга́хуся Ему́. И рече́ им: вы есте́ оправда́юще себе́ пред челове́ки, Бог же весть сердца́ ва́ша

Евангелие дня (3 января)

Мк 10:23Б-32А (зачало 46)
На церковнославянском языке, гражданским шрифтом:
Рече́ Госпо́дь: ка́ко неудо́бь иму́щии бога́тство в Ца́рствие Бо́жие вни́дут. Ученицы́ же ужаса́хуся о словесе́х Его́. Иису́с же па́ки отвеща́в глаго́ла им: ча́да, ка́ко неудо́бь упова́ющым на бога́тство в Ца́рствие Бо́жие вни́ти! Удо́бее бо есть вельбу́ду сквозе́ иглине́ у́ши проити́, не́же бога́ту в Ца́рствие Бо́жие вни́ти. Они́ же и́злиха дивля́хуся, глаго́люще к себе́: то кто мо́жет спасе́н бы́ти? Воззре́в же на них Иису́с глаго́ла: от челове́к невозмо́жно, но не от Бо́га, вся бо возмо́жна суть у Бо́га. Нача́т же Петр глаго́лати Ему́: се мы оста́вихом вся и вслед Тебе́ идо́хом. Отвеща́в