Предыдущая публикация
Авылымда ятимсерәп
Ялгыз гына бер өй утыра
Җилләр генә бүген хуҗа анда
Җилләр генә таңнар аттыра.
Өй эчендә - ап-ак миче
Бала-чакны искә төшерә
Оя тулы чакны уйлый-уйлый
Хыялында икмәк пешерә.
Табынында җиз самавыр
Һаман әле, һаман утыра
Бәлки күршеләрем керер диеп
Көтәдер ул... Көтә, бичара.
Идән такталары буялмаган
Черемәгән... Һаман чип-чиста
Комлый-комлый ышкып юа идек
Бар да гади иде бала-чакта.
Түрдә- сәке... Пар мендәрләр
Ап-ак челтәр белән ябынган
Алар көтә һаман якыннарын...
Эх... Язмышлар шул күктә язылган.
Ятимсерәп... Ялгыз гына
Авылымда бер өй утыра
Җилләр генә бүген хуҗа анда
Җилләр генә таңнар аттыра.
Рүзилә Гатауллина
Следующая публикация
Комментарии 31
Кайтсам тыуган авылыма...йорэгем янып кайта.
Безнен тыуган уже нигез тугел инде....безнен бер мэшхэрэлэ.аша.
Нигез ! Ул хэркемгэ.бирелгэн , очып чыгар канатын. Кемдер ...очып киткэн...кемдер ...биеккуэ урелэм диеп...чыккан ...сынгындардыр какнатын
Ул бетмэгэн эле , кеше ....ут ягылырлык хэле булганда.