Предыдущая публикация
#ПоэзияАркадияБукетоваСайна
#Аван_кечыже
КЫЛМЕ ТЫЛЗЕ, 24 КЕЧЕ - АВАН КЕЧЫЖЕ.
АРКАДИЙ БУКЕТОВ АВАЖЕ НЕРГЕН.
Аван кечыже – тӱнямбалсе кече, кунам авам пагалат. Тиде кечын пагален саламлат авам да мӱшкыран ӱдырамаш-влакым. Тиде кечын концертым, утренникым школышто да йоча-садыште, социальный акций-влакым да флешмобым эртарат.
Российыште Аван кечым пытартыш рушарнян кылме тылзын эртарат. 2022 ийыште тудо кылме тылзын, 24 кечын лиеш и официальный кӱкшытыште 25 гана эртаралтеш.
Поэт Аркадий Букетов шуку почеламутым авалан пӧлеклен. Пагалымаш, келге йӧратымаш дене шыҥен пурат ава нерген почеламут-влак. Ава нерген поэт воза поэмыште «Тотареҥер» да «Ӧтӧгӧн тыкым». Поэт ава деч посна 13 ияш кодын. Аваже 27 июнь 1946 ийыште колен.
Эпический поэмыште «Ӧтӧгӧн тукым» поэт аваже нерген ойла. Тиде ужашыж дене тендам палемдена.
Тиде поэме ужашым Кораксола ялыште Морко кундемышто 21 июль 2021 ийыште лудмо. Кораксолаште поэтын аваже, Анастасия (Чачи) Александровна шочын, кушкын, да марлан каен
* * *
Аваем, Кораксолан ал шўдыржӧ,
Шуко икшыван Эчанын ўдыржӧ,
Кушкын шуаралт нур, чодыра пашаш.
Ешыште эҥертыш тудакыс улмаш.
Кўлын мланде пашалан эр кычкалташ:
Пўнчӧ пундышым ача пелен куклаш,
Тудым савыраш сай шўйыш да смолаш,
А Озаҥыш кондымеке - ший оксаш.
Палыш ўдыр годымак Чачият войнам:
Фронтыш ужатен йӧратыме ачам.
Тудым колтеныт виешак пуля йымак.
Ыш уж мӧҥгым кугыжан салтак…
Лийын ўдыръеҥ чевер, шара шинчан.
Тудо келшыш дыр пеш шуко качылан:
Пўнчыдўрышкӧ солыкым пуэн колтен,
А сўан Эҥерўмбачын ончылтен.
Мокталтеныт: «Каче гармонист, чолга,
Пеш весела. Ӧрышыжак мом шога!»
Ӱдырлан ава ыш пу мужед шогаш,
Кодын сўанлан мураш, чўчкен лоҥаш.
«Йўксым» наҥгаяш
Мотор пыжаш опташ…
Негыз:
Аркадий Букетов. Ӧтӧгӧн тукым: эпический поэме., л.331-391// Аркадий Букетов-Сайн.Чыла сеҥыше илыш. (Всепобеждающая жизнь). Стихи, поэмы, басни, юмор, переводы, легенда-эпос, воспоминания. На марийском и русском языках. Йошкар-Ола: Марийское книжное издательство, 2020 г.- 496 с. https://rutube.ru/video/521b7d60c78c3cc8cf5f1f2a53ffc8fe/
Следующая публикация
Нет комментариев