Tojikiston 🇹🇯

ВАТАН

#tojikiston

Қадамгаҳи хаёлҳои ман,
Ватан!
Қаламраҳи мақолҳои ман,
Ватан!

Намозгоҳи меҳр бастаам,
Ватан!
Ниёзгоҳи ҷони хастаам,
Ватан!

Замини кишти бору ҳосилам,
Ватан!
Ҳавову обу оташу гилам,
Ватан!

Баҳори боғи бехазони дил,
Ватан!
Диёри ҷовидон ҷавони дил,
Ватан!

Фасонаи алалдавоми ҷон,
Ватан!
Таронаи азалмақоми ҷон,
Ватан!

Зи моҳӣ то ба моҳи кишварам,
Ватан!
Зи кӯҳ то ба коҳи кишварам,
Ватан!

Чаҳор табъи аслхези ман,
Ватан!
Чу панҷ ҳисси ман азизи ман,
Ватан!

Зи шаш ҷиҳат мудом рӯйи ман,
Ватан!
Ватан, Ватан, Ватан, Ватан, Ватан,
Ватан !!!

СОЛИ НАВ МУБОРАК, ДӮСТОН

_____Муборак Соли нав дунёи дигар,
Нишоту орзу савдои дигар.
Ҳама бар мақсади дилҳо расонӣ
Худовандо, дар ин фардои дигар.

____Ҳаммаи шуморо ба фарорасии Соли нави мелодӣ табрику таҳният гуфта, ба шумо пеш аз ҳама саломатӣ, умри дарози бобаракат, хонаободӣ ва сарбаландиро орзу дорем.

ТОҶИКАМ МАН....

#tojikiston
Аз миллату аз забони худ ёд кунед,
Арвоҳи гузаштагони худ шод кунед.
То ҳарф занад, ба тоҷикӣ тифли шумо,
Дунёи варо тоҷикӣ обод кунед.

ТОҶИКАМ...

Ҳамд бо номат ҳамегӯям, Худоро, Тоҷикам,
Сад дуруд бар Ё-сину мар Мустафоро, Тоҷикам.
Васфи ту гӯям, ҳамеша бо каломи дилнишин,
Шаҳду ширини забонам гулшаноро, Тоҷикам.
Тоҷдорам, тоҷи давлат бар сарам зебанда аст,
Вориси Сомониям, Ҷамшеду Доро, Тоҷикам.
Баҳри мо "Лав кона илман" омад аз қавли Расул,
То Сурайё ин башорат бурда моро, Тоҷикам.
Шамси тобонам, парастам он имоми босафо,
Бандаам бар Бӯҳанифа, к-он сафоро, Тоҷикам.
Васф карда, шоиронам ин забони Паҳлавӣ,
Зинда бодо, то абад ҳарфи қазоро, Тоҷикам!
"Бӯи ҷӯи Мӯлиён"-аш шӯҳраи олам гирифт,
Шеър гуфтанду бигӯям оламоро, Тоҷикам.
Панди пиронат шунудам, лаззати оби ҳаёт,
Кавсару имону динам, ошкоро, Тоҷикам!
Ҳафт