МУХЛИСОНИ АХМАД ЗОХИР

Замину осмони ман туӣ модар, туӣ модар, Ҷаҳони бекарони ман туӣ модар, туӣ модар. Дар ин дунё, ки бераҳмиву бемеҳрист бунёдаш, Ягона меҳрубони ман туӣ модар, туӣ модар. Диламро дар ҷаҳон ҷуз ту касе беҳтар намедонад, Беҳин ҳамдастони ман туӣ модар, туӣ модар. Зи рӯят нур меборад ба нури зиндагониям, Чароғи дудмони ман туӣ модар, туӣ модар. Забони мардумӣ омӯхти на дарси сарфу наҳв, Ҳама устоди забони ман туӣ модар, туӣ модар. Гарам шоир намезодӣ куҷо ман шеър мегуфтам, Ғазалҳои равони ман туӣ модар, туӣ модар. Суруди аввалини ман суруди охирини ман, Суруди ҷовидони ман туӣ модар, туӣ модар.