"Марий Эл" газет - поро йолташет

«Юж суртыш» – унала Кужэҥер район Салтакъял селаште лиймына годым Эвелина ден Руслан Леухинмыт дене палыме лийынна. Ме утларакшым озавате ден мутнам вашталтышна. Эвелина тиде кундемыштак шочын-кушкын, йочасадыш коштын, школым тунемын пытарен, марланжат ик уремыштак илыше резылан лектын –  Пӧртнам 2020 ийыште, кумшо ӱдырнан шочмекыже, чоҥаш тӱҥалынна. Коронавирус  эртыме годым, апрельыште, ме чыланат моҥгыштӧ шинченна, ме тунам ава, ача лийше дене иленна. Нунак мемнам суртым нӧлташ шӱкалтышым пуэныт. Мемнан шкенжынат шыгырыште илымына шуын огыл. Мыйын ача-авам окса дене полшеныт. Тыге ме чоҥымо материалым налынна. Ӱмаште пӧртнан негызшым ыштенна, –  мане Эвелина Леухина. Михаил СКОБЕЛЕВ, Лидия ШАБДАРОВА.

Марий эстрадыш шукерте огыл ушнышо Татьяна Галкина-Смородинова яндар да виян йӱкшӧ, кӧргӧ вий-куатан улмыж дене ойыртемалтеш. Республикыштына кодшо кечылаште эртаралтше «А ну-ка, ӱдыр-влак!» конкурсышто Гран-прим сеҥен налын. Тудын нерген кумданрак - 21 мартыште лекше "Марий Эл" газетыште лудаш темлена. Фотом еш альбомжо гыч налме

«ВИЯН ЛИЯШ КӰЛЕШ» Шке жапыштыже Волжский районысо Памар школым тунем лекше Кристина Калугина (Петрусенко) специальный военный операцийым эртарыме кумдыкышто фельдшерлан 2024 ий годсек тырша. Позывнойжо – «Сойка». Россий Федерацийын Обороно министерствыж дене контрактым ыштымыж деч ончыч Волжск оласе рӱдӧ больницын терапевтический отделенийыштыже медсестралан пашам ыштен. Землячкына 8 Март вашеш «Александрийцы» фронтовой газетын корреспондентшылан интервьюм пуэн. Тудын икмыняр ужашыжым тыландат лудаш темлена. Умбакыже https://газетамарийэл.рф/viyan-liyash-kӱlesh/ ссылке почеш эртен лудаш лиеш. Волжский районысо Памар библиотекын воткыл лаштыкше гыч налме фото.

ТУДЫН ТЕЛЫЖЕ ШУКО ЛУМАН... Таче Марий Элыште опытан врач-офтальмолог, уста поэт да пагалыме айдеме семын палыме Татьяна Сергеевна БОГДАНОВА 65 ияш лӱмгечыжым палемда. – Угыч шочаш лиеш гын, офтальмологын специальностьшымак ойырен налам ыле. Медикын пашажым ик эн суаплылан шотлем. Мый совет врач улам да тидын дене вожылде кугешнем! Профессийым ойырен налаш полшымыштлан, тыгак мыланем шӱжар ден шольым пӧлеклымыштлан ачам-авамлан уло шӱм-чонем дене тауштем. Шкемым пиалан айдемылан шотлем: Юмылан тау, тыгай ийготыш шуынам, эшеат пашам ыштем, ава да кова улам! Илыш гына тӧрланыже ыле, – ӱмыргорныжым кӱчыкын иктешла юбиляр. Тичмаш статьям https://xn--80aaajllkisg9bu3m.xn--p1ai/tudyn-telyzhe-shuko-luman/ ссылке дене эртен лудаш лиеш. Маргарита Иванован да Т.Богданован еш альбомжо гыч налме фото/ "Марий Эл" увер агентстве

Татьяна Галкина-Смородинова Шернур районысо Шӱдымарий ялеш шочын-кушкын. Изинекак мураш йӧратыше ӱдыр верысе школын 9-ше классше деч вара И.С.Палантай лӱмеш тӱвыра да сымыктыш колледжын калык хор пӧлкашкыже тунемаш пурен. Татьянан илыш корныжо умбакыже кузе эрта? Тидын нерген ссылке почеш пурен лудса. https://газетамарийэл.рф/muro-goch-kuanym-ojgym-onchyktash-liesh/

Пайрем дене! Омым коден, фермыш вашкат Ялозанлык пашам ышта – ял ила. Но ялозанлык сатулан, поснак пырчылан да пакчасаскалан, ак волымо-кӱзымӧ нелылыкым гына луктеш. Шӧр акым пеҥгыдын кучаш тыршыме гына ӱшаным ешара. Санденак шӧр лектышым кугемден толаш, вольыкым ешараш тыршена. Тидын кӱшешак машина ден трактор паркым уэмдаш, сай урлык пырчым налаш шонена. https://xn--80aaajllkisg9bu3m.xn--p1ai/omym-koden-fermysh-vashkat/

Шӱм сусырым жап эмла... – Мый 23 ияшем годым ава лийынам. Максим мыланем кок йочам пӧлеклен коден. Тиде эн шерге пӧлек. Нунын деч посна мый шке илышем могай лиеш ыле, шоналташат лӱдам. Ава пиал эн виян. Чыла ӱдырамашым, ӱдыр-влакым 8 Март пайрем дене саламлем. Иктым гына ойлынем: аралыза тачысе кечым. Йӧратыме айдемыдам перегыза. Илышыште тӱрлыжат лиеш, кызыт шукынжо, шонем, тидым умылаш тунемыныт. Лач таза капыште таза чон, ойлат. Чон ласкалыкым тыланем, – ойла патыр геройын пелашыже, ава, мотор ӱдырамаш. Волжский район Руш Шайра ялеш шочын кушшо, Мужество орден дене палемдалтше Геройын пелашыже, кок йоча аваже, мурызо Алина Семенован (Макарован) куанже, ойгыжо, ӱшанже нерген https://xn--80aaajllkisg9bu3m.xn--p1ai/shӱm-susyrym-zhap-emla/ ссылке почеш лудса. Лидия Семенова Фотом А.Семенован еш альбомжо гыч налме.

Паша айдемым илыш туныкта Оршанке районысо Аппаково ялыште илыше Алексеевмыт еш ятыр чывым, лудым, комбым, шорыкым, казам ашна. Кресаньык шӱлыш аралалтын Наталья Алексеева жапше годым ялысе клубышто пашам ыштен, вара «Оршанке сельхозпром» ООО-н Нужавлак отделенийыштыже ик ий дояркылан тыршен. 2015 ий гыч пашашке Москвашке кошташ тӱҥалын, автомойкышто тыршен. Вара аважым ончаш кӱлешат, ныл ий гыч мӧҥгеш пӧртылын. – Мыйын чывигем шукырак лийже ыле манын эре шоненам, – каласкала Наталья Алексеевна. – Ик ийын инкубаторым нална, чыве муно гыч иге-влакым пӱктен лукна. Келшыш. Вара эше ик инкубаторым нална да чывигат ешаралте. А кодшо ийын кумшо инкубаторан лийна. Натальян пелашыже илыш дене чеверласен, тыгак тиде ялыштак илыше Олег Алексеевынат пелашыже ӱмыр лугыч лийын. Тыге 1996 ийыште ушненыт. Тудын кок йочаже лийын, Натальян – икте. Варажым у ешыште эше ик икшыве шочын. Ынде йочашт чыланат кугу лийыныт, илыш корныш шогалыныт, олаште илат. Ача-ава коктын илат. Олег Александрович ешыж дене у суртым кермыч дене ышташ тӱҥалын улмаш, варажым, Наталья дене ушнымек, тудым чоҥен шуктеныт. Олег Александрович ончычшо колхозышто водительлан ыштен. Тӱшка озанлык панкрутыш лекмек, Москвашке, Йӱдвел кундемыш пашашке коштын. Шочмо велыш пӧртылын. Снимкыште: Наталья Алексеева – вӱташте. Вячеслав Смоленцевын фотожо

Республикысе Мер-политике рудерыште гармоньчо ден семузгар ансамбль-влакын "Изи гармоньчо" йоча конкурс эртыш. Тушко 28 гармонист ден 5 ансамбль ушнен. Участник-влак Марий эл гыч веле огыл, Пошкырт, Татарстан республика гыч лийыныт. Светлана Носован фотожо