"Марий Эл" газет - поро йолташет

Татьяна Галкина-Смородинова Шернур районысо Шӱдымарий ялеш шочын-кушкын. Изинекак мураш йӧратыше ӱдыр верысе школын 9-ше классше деч вара И.С.Палантай лӱмеш тӱвыра да сымыктыш колледжын калык хор пӧлкашкыже тунемаш пурен. Татьянан илыш корныжо умбакыже кузе эрта? Тидын нерген ссылке почеш пурен лудса. https://газетамарийэл.рф/muro-goch-kuanym-ojgym-onchyktash-liesh/

Таче игече йӱран лийын,но ме садыгак Медведево район Пӱкшерме ялыш миенна. Тушечын М.Скобелевын фото ден видеом ончаш темлена.

Южо еҥ-влак путырак чолга улыт. Тидыже койыш-шоктышышт, шкеныштым кузе кучымышт, кутырымышт гычак коеш. А улыт тугай еҥ-шамыч – нуно чынже дене моткочак чолга улыт, икмыняр вере пашам ыштат, ятыр сомылым шуктат, но чыла тидым тыматлын, молын шинчашкыже утыжым логалаш тыршыде, чот палдарыде ыштат. Лач кокымшо радамышкыжак Кужэҥер район Салтакъял селаште илыше Ирина Грязинам пурташ лиеш. Тудо верысе школ директор, Салтакъял ял шотан илем вуйлатыше, район погынымашын депутатше. Тыгодым тунар ласка, шыма койыш-шоктышан ӱдырамаш, эре шыргыжалын гына мутлана. Да тыгай улмыж дене кеч-кӧнат кумылжым савыра. Любовь Камалетдинова мутланен. Еш альбом гыч налме фото. газетамарийэл.рф/ilyshemlan-ӧpkelaltash-amal-uke/

Йошкар-Оласе 29-ше №-ан «Ший оҥгыр» йочасадыш коштшо Амира Матвеева «Калыкнан тукым гыч тукымыш куснен толшо шерге поянлыкше – мый йӧратем мемнан мотор йылмынам» всероссийский конкурсышто лауреат лӱмым сеҥен налын. Амира – Марий Эл радион тӱҥ редакторжо, мурызо Володя Матвеев ден «МЭТР» телекомпанийын корреспондентше Лира Матвееван ӱдырышт. Тудо вич ияш. Мураш, кушташ йӧрата, марий книга-влакым лудеш, англичан йылмым тунемеш, художественный гимнастикыште капкылым шуара. https://газетамарийэл.рф/izi-mӱksh-seҥymashym-konden/ Фотом еш альбом гычналме

11 апрельыште Национальный художественный галерейыште «Кугезе Йӱксавыш» ончер почылтын. Живопись да графике сынан пашаштым Россий художник Ушемын членже-влак Анна Санникова (Марий Эл) ден Дарина Ильясова (Татарстан) ончыктеныт. М.Скобелевын видеожо.

🌞Поро эр, пагалыме лудшына-влак! Таче 12 апрель. Калык пале-влак: 📌Шӧршудо эр пеледын – кеҥеж кӱчык лиеш. 📌 Кайык пыжашым пушеҥгын але пӧртын кечывалвел могырешыже ышта – юалге кеҥежым вучыман. 📌Апрельыште ночко гын, кеҥеж поҥган лиеш. 📸 М.Скобелевын фотожо/ "Марий Эл" увер агентстве

Марий Элыште «Отец Героя» фотопроект умбакыже шуйна. Марий Эл вуйлатыше Юрий Зайцевын полшымыж дене «Защитники Отечества» фондын регионысо филиалжын темлымыж почеш илышыш пуртымо «Эстафета Победителей» кумда проектын этапшын черетан фотосессийже кодшо шуматкечын, 5 апрельыште, эртен. Тудо уэш «Герои Отечества» музейно-патриотический рӱдерыштак лийын. Ты гана тушко специальный военный операцийыште вуйыштым пыштыше-влакын 17 ачашт ушненыт. Фотографийлаште нуно кидыштышт эргыштын картычкыштым кученыт, вачышкышт кительыштым пыштеныт. Любовь Камалетдинова А.Комелинын фотожо газетамарийэл.рф/sharnen-nu...

Фотолаштык Михаил Скобелев Кажне гана ӧраш тарата Медведево район Митиксола ялыште ик гана веле огыл лияш логалын. Туге гынат тушко мийымем кажне гана ӧраш тарата. Ты кундем Йошкар-Ола деч тораште огыл верланен, сандене йолынак миен шуым. Тыште  шуко поро еҥ илат. Нуно мылам шукертак палыме йолташем семын улыт. Ӱмаште тысе ик палымемлан шочмо ялем гыч пӧръеҥ-шамыч у пурам ышат ыле, а тений мийымем годым пура олмеш чапле пӧрт шинча. Озаже тудым лак дене чиялтен. Суртоза деке лишемымат, шомакым вашталтышна. – Пӧрт  чапле да шокшо, илаш да илаш веле, – мане палымем. Михаил Скобелевын фотожо

ЭРЕ ШАРНАШ ТӰҤАЛЫНА Йошкар-Оласе медколледжын тоштерже шке пашажым угыч тӱҥалын. Тыште эртыше илыш дене кылдалтше шуко материал уло. Тоштер паша студент-влакым патриотизм шӱлышеш кушташ полша: иктышт фотом ыштат, цифроватлат гын, весышт кычал мумо тӱрлӧ материал негызеш докладым ямдылат да тудын дене молымат палдарат. У деч у факт ден лӱм-влак лектынак шогат. Мутлан, шукерте огыл Кугу Ачамланде сар тӱҥалме икымше кечылаштак Йошкар-Оласе фельдшер-акушер школ гыч фронтыш 11 доброволецын кайымыж нерген пален нална. Сарын да пашан ветеранже Николай Соколов (тудо фельдшер-акушер школым тунем пытарен) 18 еҥым палемден. Газетыште савыктыме фотоснимкыш Иван Леухин, Яков Зиньков, Иван Егошин, Герман Бахтин, Николай Чулков, Илья Сапожников, Федор Чегаев, Василий Михеев, Иван Репин, Василий Медведков да Гаврил Бахтин веле логалыныт. Шымытынже родо-тукымышт дене чеверласаш каеныт улмаш. Ме кок еҥжым: Николай Загайнов ден Антонина Демаковам – кычал муынна. Шонена, нунын коклаште эше Е.Новоселова, Р.Мамаева да Г.Коптелина лийын кертыныт. Фронт гыч нылытын веле пӧртылыныт, маныт. Нунын коклаште В.Медведков ден А.Демакова улыт, эше кокытшым рашемдыме огыл. Тидын шотышто кычалме да шымлыме пашам умбакыже шуена. Таче «Марий Эл» газетым лудшо-влакым ик тале марий ӱдырамаш дене палдарынена. Шернур районысо Мустай библиотекын архивше гыч налме фото.

СВО гыч серыш «Ме тӱрлӧ улына, но изак-шоляк семын илена» Мемнан патыр землякна-шамыч специальный военный операцийыште шкеныштым чын патриот семынак кучат, кочана-влакын пашаштым шуят. Передовойышто, илышыштым чаманыде, кажныже элнан лӱдыкшыдымылыкшым арала. 2022 ийыште ме частичный мобилизацийыш логалынна. Военный подготовкым Ульяновск олаште эртенна. А кызыт кеч тӱрлӧ верыште кредалына, но южгунам ик кундем гыч улшо-влакым корнышт иктыш ушна. Тыгай вашлиймаш годым шочмо мландым куан дене, мӧҥгӧ гыч толшо уверым порын шарналтена. Мутат уке, эреак военный действий эртыме зонышто лияш куштылгыжак огыл. Чылажат вашкерак чарныже манын шонена. Боевой йолташ-влакым йомдараш моткоч неле, мӧҥгым шарналтен, йокрокланена. Тыгодым ме умылена: шкенан Отечествын ончыкылыкшо верч виян пӧръеҥ-шамыч шогышаш улыт. Тидын шотышто землякна-влаклан тау, нуно мыланна чот полшат. Таче мый мемнан ик боевой йолташна дене палдарынем. Дмитрий Суворов – поро чонан, ойыртемалтше рвезе. Тудым йолташыже-влак пагалат. Дима воктенысе улшо йолташыже-шамыч верч тургыжлана. Мыланна чӱчкыдынак теве мом ойла: «Ме чыланат тӱрлӧ улына. Кажныжын шке койышыжо, шонымашыже, но ме чыланат иза-шоляк семын илена». Дмитрий эше чӱчкыдынак «Шкенан-влакым огына кудалте», – манеш. Рвезе армийыштат служитлен, мобилизацийыш логалын. Тудо 1996 ийыште Морко район Нуръял Корамас ялеш шочын-кушкын. Икшыве-влак кокла гыч кугурак лийынат, шольыж ден шӱжарже-влаклан полшен, кугурак-шамычым пагален. Арын кыдалаш школым тунем лекмекыже, пашам ышташ тӱҥалын. 2014 ийыште армийыш каен, а службо деч вара шочмо кундемышкыже пӧртылын. Пашам йӧратыше рвезым ялыштыже веле огыл, районыштат пагаленыт. Специальный военный операций тӱҥалтыш гычак, манаш лиеш, Луганск кундемыште службым эрта. Россий президентын указше дене лӱддымылыкым ончыктымыжлан Жуков да "За боевые заслуги" медаль-влак дене наградитлалтын. Дмитрийым мӧҥгыштыжӧ ача-аваже, пелашыже, родо-тукымжо вучат. Ме, землякше-влак, тыгай боевой йолташна дене кугешнена. Элнан ӱшанле эргым куштымыштлан ача-аважлан кугу тау. Кунам воктене тыгай йолташ-шамыч улыт, ӱшанена: ме сеҥена! 12.12.2023 ий, Риф Файзрахманов Елена Эшкинина ямдылен