Предыдущая публикация
Ошноӣ бо сураи Фалақ
💐💐
Ба номи Худо
Худоё, бар Муҳаммад ва Оли Муҳаммад дуруд фирист!
Салом, қуръономӯзони азиз!
Ба Гулистони Қуръон хуш омадед. Ба хости Худо дар ин барнома бо мафоҳими сураи Фалақ ошно хоҳем шуд.
🌿🌸 Матн ва тарҷумаи сураи Фалақ 🌿🌸
بِسْمِ اللَّهِ الرَّحْمَنِ الرَّحِيمِ
Ба номи Худованди бахшандаи меҳрубон
قُلْ أَعُوذُ بِرَبِّ الْفَلَقِ (1)
Бигӯ: Паноҳ мебарам ба Парвардигори шикофанда ва сапедадам
مِنْ شَرِّ ما خَلَقَ (2)
Аз бадии он чи офаридааст
وَ مِنْ شَرِّ غاسِقٍ إِذا وَقَبَ (3)
Ва аз бадии торикӣ, вақте ҳамаи ҷоро фаро гирад
وَ مِنْ شَرِّ النَّفَّاثاتِ فِي الْعُقَدِ (4)
Ва аз бадии дамандагон дар гиреҳҳо ва тасмимҳои маҳкам ( то онро суст кунанд ва аз байн бибаранд)
وَ مِنْ شَرِّ حاسِدٍ إِذا حَسَدَ (5)
Ва аз бадии ҳар ҳасуд, вақте ҳасадашро амалӣ мекунад.
🌸🌿🌸🌿🌸и
Бачаҳои азиз, мумкин аст бадиҳои чизҳое, ки дар атрофи мо ҳастанд, пеши роҳро торик кунанд, қасди ҷаддӣ ва маҳками моро суст кунанд ва онро аз байн бибаранд ё аз рӯи ҳасодат неъматҳои дошта моро аз байн бибаранд, пас метавон гуфт: Мо дар муҳосира ҳастем; хеле аз бадиҳоро намешиносем, ҳатто он бадиҳо ва хатарҳоеро, ҳам ки мефаҳмем наметавонем пешашро бигирем. Пас барои шинохтани бадиҳо, дар амон мондан аз он ва шикастани муҳосираи бадхоҳон фақат Худои доно ва тавоност, ки метавонад паноҳгоҳи мо бошад. Худо ба Паёмбараш дастур дода, ки бигӯ: Паноҳ мебарам, пас ҳатман моро паноҳ ҳам медиҳад. Худоё, шукрат, ки паноҳгоҳи мо ҳастӣ.
🌺🌺🌿🌸🌸
Офарин, ҳоло биёед шеъри зебои сураи Фалақро бо ҳам бихонем:
Ба номи Парвардигор
Дӯсташ медорам бисёр
Роҳнамои инсон аст
Ҳамеша дар ҳама кор
Бигӯ: Эй Паямбарам
Ба ту паноҳ мебарам
Парвардигори доно
Холиқи сапедадам
Аз бадии махлуқот
Аз ҳама гуна офот
Аз торикӣ замоне
Фуру барад шаш ҷиҳот
Аз дамандагони бад
Дар кори хубу уқад
Аз ҳасуди тангназар
Вақте мекунад ҳасад
Гӯш кунед, ин хабар
Ҳар лаҳза бошад хатар
Паноҳ барем ҳамеша
Ба Худованди бартар
Сурудаи Саломиддини Муҳаммадамин
🌸🌸🌸
Офарин, бачаҳои азиз!
Худоро шукр, ки бо сураи Фалақ ва тарҷума ва шеъри зебои он ошно шудем.
🌹☘️🌹
То барномаи баъдӣ ва ошноӣ бо сураи дигар Худо нигаҳдоратон бод!
Следующая публикация
Нет комментариев