Предыдущая публикация
Сабухъчерли рузниличи дирхулра
ХIурматла Хамис ГIяхIмадхановна!
«Дагъиста хьунул адам» журналла бекI редакторла къуллукъличи хIу каратниличил «Замана» газетала редакцияла хIянчизартани уркIи-уркIиларадли мубаракрирулри.
ЛукIнила устадешличилси, пагьмучерси, адаб-хIяяли жагарарибси, хамдеш-халадеш агарси, хIекьли адамтачил ралкарикибси, жагьил лукIантас мисалли ретаурси, сабур-яхI уркIи-рухIлизи минадиубси хабардерхурси журналист сарливан хIу дубурлантани ункъли ралусири.
ХIуни илцадра адамтас дигуси ва дахъал дусмазиб азирти адамтани иштяхIличил бучIуси журналлис бекIдеш дирниличи, гьайгьайрагу, илди разилира бирар.
Гьаннала гIергъира хIела мурхьти багьудлумира пайдаладарили, цIакьанира ибкьаили, сабухъчерли рузниличи дирхулра.
Сагаси къуллукъличир къайгъичерли рузули, хIела творчествола гьунчир гьатIира гьаларяхI рашули, арадеш чIумабикIули, талихI имцIабикIули, къугъали хIерриаби, ахIерси Хамис!
Следующая публикация
Нет комментариев