Предыдущая публикация
____ 📚 НАМОЗДАН КЕЙИНГИ ДУОЛАР 📚 .....
🍃 Пайғамбаримиз Расулуллоҳ соллаллоҳу алайҳи васаллам дуо ҳам ибодат эканини марҳамат қиладилар. Бинобарин, намоз сўнгида Пайғамбаримиз томонларидан тавсия қилинган ушбу дуоларни ўқиш мақсадга мувофиқдир.!
🌿..... Эй Роббимиз, бизга бу дунёда ҳам охиратда ҳам яхшиликни бергин ва бизни дўзах олови азобидан сақлагин.!
🌿..... Илоҳо, мен Сендан ҳидоят, тақво, иффат ва ғино (бировга мухтож бўлмаслик холатини) сўрайман.!
🌿..... Аллоҳим, мени афу эт, ёрлақа, тўғри йўлдан бошла, менга офият бер, ҳалолдан ризқлантир.!
🌿..... Қалбларимизни ризолигинга уйғун бўлган амал ва ибодат томон йўналтир.!
🌿..... Парвардигоро, дош бериб бўлмайдиган балодан,
инсонни ўлимга қадар судраб борувчи (мол, жон, оилага таълуқли) мушкулотга дуч келишдан,
(мол, жон, оилага таълуқли) бало~қазодан ва душманларни қувонтирадиган бир мусибатга рўбаро бўлишдан панох сўрайман.!
🌿..... Илоҳо, ожиз қолишдан, дангасаликдан, қўрқоқликдан, алжиратиб қӯйувчи қариликдан, ҳасталикдан, қабр азобидан, ҳаёт ва мамот фитнасидан Сенинг панохинга сиғинаман.!
.... Я Роббим! Мен ўз нафсимга кўп зулм қилдим. Сендан ўзга гунохларни кечиргувчи йўқ. Мени ёрлақа ва афу эт. Ғофур Роҳийм ёлғиз Сенсан.
..... Илоҳо, фойдаси тегмайдиган илмдан,
Сендан қўрқмайдиган қалбдан,
тўймайдиган нафсдан,
қабул бўлмайдиган дуолардан панох бер.
..... Аллоҳим! Дўзах ўтида ёнишимга сабаб бўладиган фитнадан, дўзах оловидан, бойлик ва фақирликнинг ёмонлигидан мени асрагин.
..... Аллоҳим ёмон фе`л~атвор ва амаллардан, нафсоний орзулардан асрагин.
..... Аллоҳим!
Қулоғимнинг, кўзимнинг, тилимнинг, қалбимнинг, фаржимнинг ёмонлигидан асрагин.
..... Булардан ташқари ота-она, фарзанд ва бошқа яқинларингиз ва хоссатан мазлум уммат ҳақларига ҳам дуолар қилиниши жудаям яхшидир..!
Следующая публикация
Нет комментариев