Предыдущая публикация
Ничә генә яшьтә булмасын,
Һәрбер йөрәк өчен сөю кирәк.
Мәхәббәтнең кайнар утларында
Янсын иде... Янсын һәрбер йөрәк...
Язмы, җәйме, көзме, салкын кышмы,
Һәрбер йөрәк өчен җылы кирәк.
Кеше өчен якты дөньяларда
Җан җылысы - иң кадерле бүләк...
Тормыш сынауларын үткән чакта
Һәрбер йөрәк өчен наз кирәк.
Назлы булсын! Мәхәббәтле булсын!
Җылы булсын иде һәр йөрәк!
Рүзилә Гатауллина
#укы
Следующая публикация
Комментарии 1