Предыдущая публикация
Уяну белән бисмилламны әйтеп,
Торып утырамын урыныма.
Исән уянуыма шөкер итеп,
Рәхмәтләремне укыйм Ходаема.
Белгән сүрәләрне барлап чыгам,
Догаларымны укыйм жай гына.
Сәләмәтлек сорыйм барчасына,
Балаларыма , туганнарыма.
Гонаһларыбызны кичер зинһар,
Ярлыкачы Ходаем , гафү ит.
Шайтан коткысына бирелмиче,
Иман белән яшәргә насыйп ит.
Сакла безне бәлә - казалардан,
Тыныч булсын бер үк дөньялар.
Туганнарым исән булсыннар,
Исән - сау булсыннар балалар.
Ирештерсәң иде догаларымны,
Әрвахларның рухларына.
Ташламачы безне рәхмәтеңнән,
Иманыбыздан бер үк аерма.
Мәдинә Ихсан
#укы
Следующая публикация
Комментарии 4