«ЭРИЙ КЕЛЕНТЕНЬ» ТЕ ИЕСТЭНТЬ ТОПОДСТЬ 10 ИЕТЬ!

Online школа эрзянского языка "ЭРИЙ КЕЛЬ" - ВКонтактестэ
ОД ТОНАВТНЕМАНЬ ИЕ МАРТО, ВЕЧКЕВИКС ЯЛГАТ!
«ЭРИЙ КЕЛЕНТЕНЬ» ТЕ ИЕСТЭНТЬ ТОПОДСТЬ 10 ИЕТЬ!
Вечкевикс ялгат! Те иестэнть топодсть 10 иеть «Эрий кель» эрзянь келень online-тонавтома куронтень. Мейстэ-кода ушодовсь «Эрий келенть» кизэ? Кинень сась арсемась истямо дистанционной тонавтома куронть панжомадо? Кодамо важодема ульнесь ютавтозь кемень иетнень перть? Кодат стакачить савсь монень печтямс? Арсинь теде ёвтнемс-сёрмадомс…
2014-це иестэнть «Эрий кель» куронть панжомадо мелесь сась монень ды мирдень туртов. Сон монень лездаськак те тевсэнть. Эряви ёвтамс, зярдо кортамось моли дистанционной тонавтнемадо – те пек паро икелев молиця тонавтнемань лув. Те ней улить зярыя видеонь вельде сюлмавомань программат (видеомессенджерт): WhatsApp, Telegram, Viber, Facetime, Google Meet, Signal, ICQ, WeChat, Zangi, Zoom Cloud Meetings, Discord ды лият). Сестэ, зярдо «Эрий келенть» мирдень (Константин Васильевич Богданов) панжинек 2014-це иестэ, сехте вадря видеомессенджерэкс ульнесь Skype, зярыя тонавкст савсь ютавтомс Google Hangout программанть вельде. «Эрий келенть» васенце лемезэ ульнесь «Изучение эрзянского языка через skype «Эрий кель».
Мирдень марто васенце шкасто арсинек: теемс-арась кодамояк интернет-сайт «Эрий келенть» туртов? Сынек мельс: а эряви. Сехте вадря карми, бути теемс кодаткак лопат «Контактсо» ды «Facebookсо». Истя теиньгак. Васенцекс теинь-панжинь «Контактсо» интернет-лопа. Шкань ютазь, панжинь «Facebookсо» «Эрий келень» лопа. Ансяк, кода содатано, «Facebookонть» пекстызь. Тозонь а совават. Лиядсь ансяк «Контактось». Шкань ютазь панжинь-теинь «Контактсо» «Мельс туиця эрзянь кель» лопа.
Ёвтавлинь сюкпря весе сеть эрзятненень, кить весе те шканть перть ульнесть «Эрий келенть» марто, кить лездасть монень ютавтомс весе олимпиадатнень-конкурсттнэнь, кить тонавтнить эрзянь келенть, кить топавтыть эрзянь раськень ванстома тевтнесэ! «Эрий келенть» чачома чизэ – те весе эрзятнень покш чинек! Од тонавтнемань ие марто!
"ЭРИЙ КЕЛЕНТЬ!" КЕМЕНЬ ИЕТНЕНЬ ПЕРТЬ ВАЖОДЕМАНЗО ЛАНГА ВЕСЕ СЁРМАДОВКСОНТЬ ЛОВНОДО БАШКА ФАЙЛАСОНТЬ.
«Эрий кель» эрзянь келень
online-тонавтома куронть ветицязо,
эрзянь келень тонавтыцясь,
филологиянь наукань кандидатось
Ольга Михайловна Богданова
Online школа эрзянского языка "ЭРИЙ КЕЛЬ"
вчера в 18:33
ОД ТОНАВТНЕМАНЬ ИЕ МАРТО, ВЕЧКЕВИКС ЯЛГАТ!
"ЭРИЙ КЕЛЕНТЬ!" КЕМЕНЬ ИЕТНЕНЬ ПЕРТЬ ВАЖОДЕМАНЗО ЛАНГА ВЕСЕ СЁРМАДОВКСОНТЬ ЛОВНОДО БАШКА ФАЙЛАСОНТЬ. https://vk.com/doc30853989_682357955?hash=5CSzzuz0pxVyNZFzMr4RZWZvEMwZrSsF7q7pULfUkZP&dl=FVreGeRNdpiRpmmB54WnOznF9E7du6El1qtCf05eKGH «Эрий кель» эрзянь келень
online-тонавтома куронть ветицязо,
эрзянь келень тонавтыцясь,
филологиянь наукань кандидатось
Ольга Михайловна Богданова