Предыдущая публикация
БУЮКЛЕРИМИЗДЕН ОРЬНЕК АЛМАЛЫМЫЗ!
1. Челеби Джиханнынъ васиети
11.09.1915 сенеси, яни Исмаил Гаспринскийнинъ вефат олгъанындан сонъ тамам бир йыл кечкенден сонъ «Терджиман» газетасынынъ махсус чыкъарылгъан санында Номан Челеби Джиханнынъ «Анълая бильсейдик» серлевалы макъалеси дердж олунгъан эди. Рахметке авушкъан буюк атамызнынъ энъ истидатлы ве садыкъ талебелеринден олгъан Челеби Джихан о макъаледе бойле икметли сёзлер язгъан эди: «Не де гъамлы ве аджджы акъикъаттыр ки, татар кенди буюклерини биле танымай. Буюклерини танымаян миллет кучюлир».
Дюньяджа ойле адет олгъан ки, эр бир миллет, эр бир девлет озь буюклерининъ йылдёнюмлерини къайд этер, къутлар. Бунынънен халкъ илериде кимден орьнек аладжагъыны, кимнинъ ёлуны тутаджагъыны бельгилер, яш несильге ашлап къояр.
(Фотода: 1. И. Гаспринский. 2. Н. Челеби Джихан)
ЛУГЪАТЧА: анълая бильсейдик – если бы мы смогли понять; йылдёнюм – юбилей, годовщина; орьнек – пример, образец.
(Девамы бар)
Следующая публикация
Комментарии 2