Предыдущая публикация
Çÿлти патшалăхра ыр кур, унта пулмашкăн сан май пур.
Герасимов Денислав Тихонович (28.12.1954 - 09.11.2012)
Эс лартнă çурт халь те ларать, мана кермен пек туйăнатЬ. Кĕтсе ларать вăл вуник çул.
Чи хаклă шăллăм, Денислав!
Манран эс кайрăн уйрăлса.
Пуçра пăтранчăк шухăшлав,
Эп халь ларатăп хуйхăрса.
Сăну халь те ялан асра,
Ман хурлăхăм - кашни кунра.
Кăтартрăн пур ĕçре хăвна,
Тăсайрăн хăвăн ăрăвна.
Алран килетчĕ ĕç тума,
Связист пулса чапа тухма.
Ирттертĕн хăвăн ĕмĕрне
Курса çитменлĕх енсене.
Пăхатăп сан пÿртÿ çине,
Шанас килмест эс çуккине.
Чуна асап хĕç пек касать,
Чĕре хуйхи вăя сăхать.
Эс лартнă çурт халь те ларать,
Мана кермен пек туйăнать.
Кĕтсе ларать вăл вуник çул,
Анчах килме санăн çул çук.
Ĕмрÿ кĕске-çке пулчĕ сан,
Телей тени пулмарĕ сан.
Çÿлти патшалăхра ыр кур,
Унта пулмашкăн сан май пур.
Нихçан çынна усал туман,
Пĕр ĕçсĕр те эсĕ ларман.
Кашни çынах сана мухтать,
Атте-анне пехил парать.
Кекен ялĕ, Никифорова Мелания.
Следующая публикация
Комментарии 2