Предыдущая публикация
ПУРГАЗ СЦЕНА ЛАНГСО
паро куля
2025 иень якшамковонь 17 чистэ, теке исяк, Эрзянь-
Мокшонь Театрань сцена лангсо невтезель спектакля - ПРГАЗ. Путыцязо прявт режиссёрось Крюков Дмитрий. Мольсь эрзянь кеьсэ. Пилес понгавтозь кунсолкаень - рузонь. Абрамов Кузьмань романозо "Пургаз" (ютавтозь эрзянь кельстэ рузонь), кода те путовксоськак, кандсь покш лезэ. Ламот-ламот, ютксост рузтнэяк,кармасть содамо кить эрзятне, кода раське, этнос. Сынст историядост, озномань-калмамонь, урьвакстомань, мирденень лисемань койдест, покшчидест ды ламо лия койдест.
Ней автобуссо-месэ ардомсто а марят эрзякс кортыцятнеде истят сэпей-чапамо валт: саты тенк каля-малить, саты!!! Анся вана тедеяк ковгак а туят: Эзть кадово, ловт, каля-малицятнеде, соласть, прядовсть.
Кинь мелезэ содамс путозь спектаклядонть седе эрьва ёндо, алтыматне учить, ёвтнесызь
*********************
ЭРЮШ ВЕЖАЙ,
Мон аволь тон...
Тон аволь монь...
Эрямо кинек вейс а недить,
Сельме варштавксот васолонь
Менель тештинекс тень пеедить.
Учинь эйсэть...
Учить эйсэнь...
Ансяк ютксонок ули ломаннь,
Монень - ялга, тонеть - вечкень,
Колмонек вейсэ а улема.
Тон аволь монь...
Мон аволь тонь
Вечкеманк трокс мон эзинь чалга,
Эстень меринь: "Сон аволь монь,
Саик уцясканть эстеть, ялга,..."
Мон аволь тонь...
Тон аволь монь...
Эрямо кинеек вейс а недить,
Менелень тюсонь сельметь тонь
Иетнень пачк монень пеедить...
Следующая публикация
Комментарии 9
1-це валрисьмесь - Мон аволь тонЬ.
3-це валрисьмесь омбоце столбиксэ - Ансяк ютксонок ули ломаНь (вейке "н"
3-це столбиксэнть омбоце валрисьменть пес путома ламо точкат - Мон аволь тонь...
4-це столбиксэнть колмоце валрисьмесэ - "Эрямо кинЕк вейс а недить" сёрмадови вейке "е".
"Вечкеманк трокс мон эзинь чалга" рузокс карми "через вашу любовь я не наступил".
Видестэ улевель - (Вечкеманк трокс эзинь эськельдя)?
Чалгамс - ступить, наступить
Чалгамс - ступить, наступить
Трокст/троксканзо/трокска чалгамс - переступить через что-либо
Лангс чалгамс - наступить на что-либо
Эйс чалгамс - ступить во что-либо
Икелев чалгамс - ступить вперёд
Ве ёнов чалгамс - ступить/сделать шаг в сторону
Минек ёнов чалгась/арась - ступил/стал на нашу сторону
Лангс чалгамс - наступить на
Трокс/трокска чалгамс - переступить через
Вакска чалгамс - наступить мимо
Алов чалгамс - наступить вниз, спуститься
Витьстэ чалгамс - наступить правильно, как надо
Чирьстэ чалгамс - криво наступить
Кеместэ чалгамс - прочно, крепко наступить
Лавшосто чалгамс - слабо наступить
- Састо чалгамс - осторожно наступить
Тезэнь чалгамс - сюда наступить
Авадрясто чалгавомс - неудачно наступить до боли