Поэта асӑнса Ҫурхи кун парнеленӗ чӑваш халӑхне, Тӗнчери чи хитре поэтне. Амӑшӗн сӗчӗпе вӑл тултарнӑ сӗткен, Ҫӑлкуҫра чӳхентернӗ хуллен. Турӑ панӑ ӑна ирхи шуҫӑм сӑнне, Ӑш хӗвелӗн ачаш куллине. Пурнӑҫа ӑнланма иксӗлми вӑй-хӑват, Ҫынсене тӗлӗнтермӗш талант. Кӗҫтук пухнӑ ӑс-хал вӑй хурса,тимлесе Чи малтан тӑван ял шкулӗнче. Каярах Кекенти халӑх шкулӗ ӑна Йыхӑрать хӑй патне ӑс пама. Кекен ял ҫыннисем мухтанаҫҫӗ вара Хисепре пулнинчен таврара. Кашнинех тивеймест кунашкал ҫут телей: Вӑл вӗреннӗ шкулта халь музей. Кекен ялӗ, Мелания Никифорва.