Предыдущая публикация
Юраги чиройли аёлни севинг
Шаҳдам қадам билан,юрмоқ учун ғоз,
Адашманг ёр танлаб билмайин,беҳос,
Десангиз умримча ҳеч кетмасин ёз,
Юраги чиройли аёлни севинг.
Эҳтиёт,бу йўлда бор ўнқир-чўнқир,
Баъзан юлдузларда хатодир таъбир,
Йўлиқиб қолмасин,бир қалби чандир,
Юраги чиройли аёлни севинг.
Нур кетар гул юздан,сўлийди чеҳра,
Қора соч бир куни қолар қор ичра,
Қалби гўзал инсон қаримас сира,
Юраги чиройли аёлни севинг.
Этак-этак бола келтирсин лайлак,
Чиройдан ясатманг уйга бир безак,
Ёмон бир кунингда бўлгувчи тиргак,
Юраги чиройли аёлни севинг.
Эгилмас эркакнинг у мағрур боши,
Хоин чиқмас унинг бир ёстиқдоши,
Ҳузур-ҳаловатта,совумас оши,
Юраги чиройли аёлни севинг.
Следующая публикация
Комментарии 3