Предыдущая публикация
ОНА ДУОСИ.
Бойлик беролмадим,
ўгитим мерос,
Билки қиш ўтмасдан,
келмас баҳор,ёз ,
Бу дунё ўткинчи,
албат дуо соз,
Йиқилма ,жон болам,
оёғингда тур.
Кўзларинг ёшини,
кўрмасин кимса,
Холис бир ниятга,
яхшилик пеша,
Оқил бир инсонга,
омад ҳамиша,
Йиқилма,жон болам,
оёғингда тур.
Жуда машаққатли,
бу хаёт йўли,
Музлари эриса,
оқизар сели,
Ғирром ўйинларга
бу олам тўли,
Йиқилма, жон болам,
оёғингда тур.
Жаҳон қурилмади,
зебу-зийнаттан,
Манзилга бир йўл бор,
халол меҳнатдан,
Елкаларинг чўкар ,
балки заҳматтан,
Йиқилма,жон болам,
оёғингда тур.
Кўрдик биз игнадан
қазилган қудуқ,
Хар кун палов қайда,
баъзида суюқ,
Кетсин десанг онам,
кўзлари юмуқ,
Йиқилма ,жон болам
оёғингда тур.
Қайтар эшик ўғлим,
қаттиқ ёпилмас,
Керакли тош билсанг,
хеч хам отилмас,
Ватан хам бир она,
пулга сотилмас,
Йиқилма,жон болам,
оёғингда тур.
Марҳаматли қўлинг хўп,
очиқ қолсин,
Эзгу ният,яхшилик,
шиоринг бўлсин,
Душманнинг бўлса гар,
уятдан ўлсин,
Йиқилма,жон болам,
оёғингда тур.
Кичикни кичик бил,
каттага ҳурмат,
Ҳурмат айланганлар,
топади иззат,
Бу умр негизи ҳақ
ва адолат,
Йиқилма,жон болам,
оёғингда тур.
Йиқилсанг бир куни,
тиззалар қонда,
Тур яна,умид бор,
чиқмаган жонда,
Мард бир ота
қони ,бўлса баданда,
Йиқилма,жон болам,
оёғингда тур.
Бир бошга ,бир ўлим,
бошқа бир лоф йўқ,
Гуноҳинг,савобинг айригай
ҳақ ,кўк,
Дўстингдан келса гар,
кўксингга бир ўқ,
Йиқилма,жон болам,
оёғинда тур.
Қолдингми кимсасиз,
йўқми хеч чора,
Аросат йўлида қолсанг,
овора,
Қўллари дуода,
ёнингда ОНА,
Йиқилма,жон болам
оёғингда тур.
Йиқилма ,жон ўғлим,
оёғингда тур.
Следующая публикация
Нет комментариев