Предыдущая публикация
АЛЛА
Кеча ойдин,бир ёз палласи,
Кўкда кезар юлдуз галаси,
Сукунатта бир садо,бир сас,
Тунни бузар аёл алласи.
Зим-зиё тун,ўчмайди чироқ,
Гўдак тинглар,солади қулоқ,
Алла билан кўнгли сув ичар,
Алла чашма ,алладир булоқ.
Алла айтинг болангизга сиз,
Меҳр,ҳароратни этсин ҳис,
Алла ўгит,алла насиҳат,
Бу бешикда сиз босган бир из.
Ҳеч ўчмасин алла овози,
Фарзандимиз умрнинг ёзи,
Яшамоқнинг мазмун ,маъноси,
Ҳаёт қўшиғининг шўҳ сози.
Следующая публикация
Нет комментариев