Жаңы ырдын бет ачаары:

ЭГЕР БИЗДЕ АКЫЛ, ЫЙМАН БОЛГОНДО
Ыйман үчүн жандан да кечээр элек,
Намаз окуп шайтанды жеңээр элек.
Жүзүбүзгө чачырап ыйман нуру,
Кечиктирбей зекетти берээр элек.
Эгер бизде акыл, ыйман болгондо ?
Ата-эне эмгегин актаар элек,
Көкүрөккө ыйманды сактаар элек.
Көчө бойлоп эринчээк, болбой такыр,
Үй-бүлөөдөн бар бакыт табаар элек.
Эгер бизде акыл, ыйман болгондо ?
Жамансың деп кемсинтип жетимдерди,
Көңүлдөрүн калтырып сөкпөс элек.
Билдирбестен ата-эне ордуларын,
Көл-шал кылып көз жашын төкпөс элек.
Азгырылып байлыкка батып алып,
Болоор болбос оокатка көппөс элек.
Эгер бизде акыл, ыйман болгондо ?
Автор: Ильязбек Нармаматов.