Не кылам

Буйруксуз келген тагдыр бөлүп жарып,
Билинбей кызганычтан көңүл калып.
Чектелип келген бизге бакыт туура,
Ченелүү экен кетти өмүр тарып.
Көңүлдү аны муну карабадык,
Көрсө биз сүйүп -күйүп жарыбадык.
Сезимдер ыйлап жатса жүрөктөрдө,
Сен мени кантип ээрчийт жана бакыт.
Айыпсыз сезимдерде эмне күнөө,
Ачык кеп жетпейби же эмне бирөө.
Не керек кеткендерге жалдыраштын,
Не кылам сени сүйгөн менде күнөө..
Не кылам сени сүйгөн менде күнөө.
А.Э.Н
Чоң-Алай