Кӑвак чечексем, сенкер чечексем,

Улӑхра мӗн-ма курӑнмастӑр-ши?
Шантӑр-им эсир, хӑртӑр -им эсир,
Ҫывӑх тусӑмсем, ҫепӗҫ туйӑмсем!
Кӑвак чечексем, сенкер чечексем,
Куҫӑмран мӗн-ма тинкерместӗр-ши?
Татрӗҫ-шим сире, ватрӗҫ-шим сире,
Ырӑ шухӑшсем, хаклӑ ӗмӗтсем!..
Кӑвак чечексем, сенкер чечексем-
Савнӑях савнин кӑвак куҫӗсем...
Халь ӑҫта эсир, мӗншӗн ҫук эсир,
Ӑш вӑркатмӑшсем, чун ҫунтармӑшсем?..
А. Галкин.
Ю. Кудаков.
Асри юрӑ.