Ёдинг оғримасин, қалбинг оғрийди,

Вақтнинг ханжарига вақт асл даво.
Чандиқлар тузалмас сўнгимизгача,
Таскинлик улашар тиловат дуо.
Ёдинг оғримасин, ҳайдай олмайсан,
Ўйда туғилмаган, ўйни қийнар дард.
Бандаси мусофир, ишқи ва ҳажри,
Кўнглимиз тўрини эгаллаган мард.
Ёдинг оғримасин, қалбинг оғрийди,
Мендан рози бўлгин мендан кечганим,
Бағримда тиканлар гуллади сенсиз,
Тунлари бахт эмас, оғриқ қучганим.
Ёдинг оғримасин, эртага қайтсам,
Тўшасам арзисин кўнглим пойига,
Ҳеч кимнинг қалбига озорим тегмай,
Етишгим келади Хақ чиройига.
Яна қайтиб келди малика баҳор,
Армону аламнинг кўксини тилиб,
Беш кунлик дунёда Нилуфар учун,
Яшасанг бўлгани шодликка тўлиб.
Ёдинг оғримасин, қалбинг оғрийди...
НИЛУФАР ТОҲИР
02.03.2022й https://t.me/Nilufar_Tohir_ijodi