Өмет Омет

ЦУРда киңәшмәдә яңгыраган төп фикерләр: • Башкортстан Башлыгы Хач ману бәйрәменә (18 гыйнвардан 19 нчы гыйнварга) әзерләнү эшләренә башларга кушты. Ул лаеклы һәм хәвефсез үтәргә тиеш; • Радий Хәбиров Кушнаренко авылындагы Топорниннарның усадьбасын тергезергә боерык бирде. Бөек Ватан сугышы елларында анда Коминтерн разведка мәктәбе урнашкан булган; • Башкортстан мәшгульлек үзәкләренә МХОдан кайткан 297 яугир мөрәҗәгать иткән. Аларның 121 е эшкә урнаштырылган. Республикада яугирләргә ярдәм итү эше дәвам итә. Әлеге вакытта республикада 40 тан артык ярдәм чарасы бар. Хезмәт министрлыгында яңартылган исемлекне эшләп бетерәләр; • Үткән ялларда Уфа шәһәрендә Сергей Гимаевның 70 яше уңаеннан хәйрия хоккей матчы үтте. Легендар хоккейчы, атказанган тренер кубогына Уфада ел саен турнир үтеп торачак; • Радий Хәбиров Гафури районындагы “Дубки” балалар лагерендә тәртип урнаштырырга кушты. Русия Герое, МХОда һәлак булган Андрей Мигуновның гаиләсе соравы буенча лагерьга аның исеме биреләчәк; • 2025 ел башыннан МХОга Башкортстаннан кыска вакытлы ялдан соң яугирләр белән 10 колонна юлланды. Радий Хәбиров Донбасска йөрүче автобус водительләрен бүләкләргә кушты. • Гыйнвар аенда Учалыда яңа суүткәргеч төзелә башлый. Яңа ел каникулларында анда коммуналь авария булган иде; Республика халкы Радий Хәбировка урамда йөрегән берәдәк этләргә зарлана. Былтыр алар 6196 кешене тешләгән булган. Проблема турында махсус киңәшмәдә сөйләшәчәкләр; • Торатау янында үткән ат чабышлары 5 мең тамашачыны җыйган. Радий Хәбиров турнирны югары бәяләде; • Яңа ел каникулларында Башкортстанда 27,7 мең тонна каты коммуналь калдыклар түгелгән. • Яңа ел каникулларында 34,6 мең кеше ашыгыч ярдәм күрсәтү табибларын чакырган. Төп шикаятьләр – хроник чирләрнең кискенләшүе. 4,9 мең кеше травпунктларга мөрәҗәгать иткән. • 2024 елда Башкортстанда 398 кеше юл-транспорт һәлакәтендә һәлак булган. Республика җитәкчесе былтыр бу сан 400дән артмаска тиеш дигән бурыч куйган иде. • 2024 елда Башкортстанда мәдәният өлкәсендә эшләгән 30 кеше берәр миллион сум акча алган.