Предыдущая публикация
ПщIыхьэпIэ
ТВ-м илъэситIрэ ныкъуэрэ мэхъу сызэрыщылажьэри, иджыри къыздэсым нэхъ сызыгъэгушхуар Сосналы СулътIан теухуауэ нэтын згъэхьэзырыну къызэрысхуихуаращ. Сылэжьэху куэдым си гур нэсащ. Ауэ иджыпсту зи гугъу сщIыну сызыхуейр нэтыныр къыдэкIа иужь кэхъуа зы Iуэхугъуэ гуэрщ.
Сэ хьэлу сиIэщ пщIыхьэпIэ слъэгъуамэ зыри сымыщIэжу, е зы мащIэ тIэкIу сигу къинэу. Нэтыным и Iуэхур зэфIокIри, тхэмахуэ дэкIа иужь СулътIан жэщныкъуэкIэ сопщIыхь. Куэд къызжеIэ, зэгъусу къыдокIухь. Губгъуэ дызэрисар, гуэл Iуфэ дызэрыIусар, пэш гуэр дызэрыщIэсар сощIэж. СулътIан гуфIэущ пщIыхьэпIэ зэрыслъэгъуар, ауэ зы Iуэхугъуэ закъуэм игъэгузэвати, сщIэжкъым. СщIэжыр зыщ - упщIэ естамрэ, абы и жэуапу къызитыжамрэ.
СулътIан СССР дзэм хэтыху кхъухьлъатэзехуэу щытащ. Зауэ зэману щымыту абы зауэ зэманым яугуэш хабзэ орден "Боевого красного знамени" жыхуаIэр къыратат. Ар къыщIыратамкIэ нэтыныр згъэхьэзыру и щхьэгъусэ Сосналы Любэ (Любовь Сусналиева) сеупщIати, хуэгъэфэщауэщ жэуап къызэрызитыжыфар. Езы СулътIан хьэлу иIащ хузэфIэкIам и гугъу имыщIыжу. Арати, пщIыхьэпIэкIэ соупщI: "СулътIан, а орденыр къыщIыуатар Америкэм и кхъухьлъатэхэр Совет Союз гъунапкъэм къыщихьэхэм щыгъуэ уафэгум къыщыбгъэхъуа Iуэхугъуэхэм теухуат" - жызоIэри. СулътIан подыхьэшхыкIри "аращ" жи.
Сигу къоуэ зэжетIахэр зэрызмыщIэжыр, ауэ дгъэхьэзыра нэтыным и псэр зэрыщыгуфIыкIар зэхызощIэри, согушхуэ.
Тхьэм ди япэ ищахэм я пащхьэ напэ хужькIэ уихьэжауэ къыщIигъэкI.
Нэтыныр IыхьитI мэхъу:
Япэ Iыхьэ - https://www.youtube.com/watch?v=bIbMt3NTCmQ&t=25s ЕтIуанэ Iыхьэ - https://www.youtube.com/watch?v=LBElIoCcJcc&t=25s #СосналыСулът1ан #СултанСосналиев #АдыгэГуп
35:13
Следующая публикация
Нет комментариев