Предыдущая публикация
"Сикард" кампаним фIыщIэ худощI
ЩIымахуэ лъандэрэ Iуэхугъуэ зыбжанэ зэфIэдгъэкIыну дигу итълъхьауэ щытащ. Абыхэм ящыщт джэгухэр гъэмахуэм щедгъэкIуэкIкIэ джэгуакIуэхэр екIуу зытесын зы утыку цIыкIу зэдгъэпэщыныр. Дигу къэкIыри гъущI гъэвэным теухуауэ лажьэ "Сикард" кампаним ар тхуагъэпсын лъэIукIэ зыхуэдгъэзат. Зыкъэдумысыжынщи, "Сикардым" дазэрыхуэтхам зыри къимыкIын дигугъат. Хэт ищIэрэ жытIаурати, махуэ зыбжанэ дэкIрижэуап къыдатыжащ. ФыкъакIуэ, дызэхуэвгъазэ щыжаIэм, зыдмыIэжьэу я лъэщапIэм декIуэлIащ.
ЩIалитI къытхуэзащ - Сыжажэхэ Сулеймэнрэ Къардэнхэ Ринатрэ. ТIури икъукIэ зэпIэзэрыту, адыгэбзэ дахэ яIурылъу, жаIэр уи фIэщ ящIу къыдэпсэлъащ. Дэри ди хасэм теухуауэ, Iэху длэжьхэм теухуауэ дыкъытепсэлъыхьащ, утыку цIыкIум дыщIыхуейр наIуэ ящытщIащ. "Сыт Iэу дыщIывдэмыIэпыкъунур? Фэ хуэдэ гуэрхэм дадэмыIэпыкъумэ, сыт ди мыхьэнэр, зи гугъу фщIар фиIэу вбжы" - аращ щIалитIым къыджаIар. Утыкум и кIыхьагъыр, бгъуагъыр, лъэгагъыр, абы пкъырылъын хуейуэ къэтлъытэу хъуари къеттхыхыри, а махуэм дызэбгырыкIыжащ. АдыгэлIхэм я псалъэр яIыгъыжащ. ЩыжытIа зэманым жытIар тхуащIри зы сом къытIахакъым ялэжьам щхьэкIэ.
Ахъшэм цIыхубэр щилъэхъа зэманым, цIыхугъэр ягу илъу Iуэху зыщIэжыфыр мащIэщ. Адыгэ Iуэхум щхьэкIэ жызыIэу апхуэдиз лэжьыгъэр уасэншэу тхуэзыщIа Сыжажэхэрэ, Къардэнхэрэ я щIалэхэм
Тхьэм фигъэпсэу вжыдоIэр. Тхьэм игъэпсэу утыкур зыгъэвахэри. Тхьэм игъэпсэу "Сикард" кампанир. Тхьэм влэжьын, фшхын фиIэу куэдрэ дунейм фытригъэт. Фи гуащIэ и шхыгъуэ Тхьэм фыригъахуэ.
Фэр хуэдэ цIыху къабзэхэм Тхьэшхуэр сыткIэ къахуэупсэми яхуэфащэщ!
"Сикард" кампаним и напэкIуэцIхэр: https://www.facebook.com/kovanievorota/?fref=ts http://sikard.ru https://www.instagram.com/kovkasikard/ http://nart-heku.livejournal.com/9249.html
СИКАРД Нальчик, г. Нальчик, Кабардино-Балкарская респ. Отметки «Нравится»: 3 081 · Посетили: 4. кованые ворота, кованые ворота фото, кованые двери, кованые кровати, кованые перила, кованые двери...
www.facebook.com
Следующая публикация
Нет комментариев