"Марий Эл" газет - поро йолташет

Юмо, арале чылаштым! – Мемнан эн ончыч Роберт эргына специальный военный операцийышке шке кумылын каен. «Ачай, каем, контракт почеш миен толам», – мане. Тудо штурмовик лийын, чӱчкыдынак передовойыш коштын. Лӱддымылыкым, чолгалыкым ончыктымыжлан «За отвагу» медаль дене палемдалтын. 2023 ий. Мӧҥгышкӧ толмешкыже, 10 кече гына кодын… 5 мартыште ик боец олмеш штурмыш каен. Вуйышкыжо осколко логалын, – ойла Морко район Кӱчыкэҥер ял гыч Рудольф Максимов. – Шкеак кычалынна. Арня мучко кажне кечын Донецкыш йыҥгыртенам. Ик кечын ӱдырамаш (ойжо почеш бухгалтер) полшаш сӧрыш. Тыгак Озаҥ ола гыч эргым дене пырля лийше ик боец деке лекме. Тӱҥалтыште тудо нимом ыш ойло, а вара, мутшо почеш, эргына пытартыш гана миен толам манын. Умбакыже тыгай ссылке почеш лудаш темлена: https://газетамарийэл.рф/yumo-arale-chylashtym/

Чолгалык Пашажым тунар йӧрата – 75 ияшат туныкта! Морко районысо Коркатово лицейын кугу кӱкшытыш шумыж нерген колдымо еҥже кундемыштына укеат дыр. Вет тушко шкенан республикын тӱрлӧ районжо гыч веле огыл, пытартыш жапыште эсогыл кумда Российын регионлаж гычат шинчымашым погаш толыт. А тыгай кӱкшытышкӧ лицей, мутат уке, шке пашаштым йӧратен шуктышо туныктышо-влаклан кӧра шуын. Нунын кокла гыч иктыже – Валентина Михайловна Васильева. Теҥгече, 12 сентябрьыште, тиде уста туныктышылан 75 ий темын. Туге гынат, шагал огыл ийготым вачӱмбакыже пыштымым ончыде, тудо алят пашам ышта! Любовь Камалетдинова мутланен Фотом еш альбом гыч налме https://газетамарийэл.рф/pashazhym-tunar-jӧrata-75-iyashat-tunykta/

Марий Эл гыч СВО-н участникше-влак «Герои Марий Эл. Талешке-влак» программе почеш умбакыже каят. Специальный военный операцийын участникше-влак, «Герои Марий Эл. Талешке-влак» кадр программе дене келшышын, тестирований этапым сайын мучашленыт. Вес кӱлешан этап – собеседований. Лач тыште участник-влак республикым вияҥдыме шотышто шке шонымашыштым каласен кертыт. Тиде герой-влаклан шкем ончыкташ да регионын ончыкылыкышкыжо надырым пышташ сай йӧн. Тестированийым эртен шуктыдымо-влаклан организатор-влак ешартыш жапым палемденыт. 12 май гыч кандидат-влак тиде этапым эртен да программыште умбакыже участвоватлен кертыт. Тиде кугу проектын ужашыже лияш йӧным кучылташ вашкыза! Кумданрак герои-марий-эл.рф/ программын сайтыштыже пален налаш лиеш.

Дмитрий Диденко – «Водоканал Оршанка» МУП-ын начальникше 2024 ий март гыч ноябрь марте тудо Донецк направленийыште 10-шо танковый бригадыште контракт почеш службым эртен. Лӱддымылык ден патырлыкым ончыктымыжлан «За отвагу» медаль дене палемдалтын. Кӧ шке корныжым ойырен налын, тудын деке ушныза! Лекше йодышым +7 (8362)72-21-99 телефон номер дене але контракт-марийэл.рф сайтыште рашемдыза.

Таче Марий паркыште Изи Кугечым палемдат. Светлана Носован фотожо.

Пайрем дене! Омым коден, фермыш вашкат Ялозанлык пашам ышта – ял ила. Но ялозанлык сатулан, поснак пырчылан да пакчасаскалан, ак волымо-кӱзымӧ нелылыкым гына луктеш. Шӧр акым пеҥгыдын кучаш тыршыме гына ӱшаным ешара. Санденак шӧр лектышым кугемден толаш, вольыкым ешараш тыршена. Тидын кӱшешак машина ден трактор паркым уэмдаш, сай урлык пырчым налаш шонена. https://xn--80aaajllkisg9bu3m.xn--p1ai/omym-koden-fermysh-vashkat/

«… Таче тыйым ужата ӱжара, Ӧндалалын шортеш тӱтыра…» 5 апрельыште Марий Элыште «Отец Героя» фотопроектын кумшо фотосессийже эртен. 17 Геройын ачашт коклаште Кужэҥер район Кугу Лаждӱр тӱвыра пӧрт пеленысе «Лӱҥгалтыш» ВИА-н калыкыште кумдан палыме солистше, Кожласола (Мари-Олма) ялыште илыше Юрий Волков лийын. Тудын Родион эргыжын ӱмыржӧ ӱмаште 14 декабрьыште СВО-што кӱрылтын. Таче ме Юра да Лира пелашыж дене мутланена. Любовь Камалетдинова мутланен. Еш альбом гыч налме фото. газетамарийэл.рф/tache-tyjy...ӱzhara-ӧndalalyn-shortesh-tӱtyra/

Марий Элыште 21-27 апрель Иммунопрофилактикын кӱлешлыкше дене палдарыме арня семын эрта. Йошкар-Оласе йоча больницын тӱҥ врачше Наталья СТАРИКОВАН иммунизаций дене кылдалтше статьяжым https://газетамарийэл.рф/jocha-ulo-tӱnya/ ссылке почеш эртен лудаш лиеш. Марий Эл Тазалык аралтыш министерствын фотожо.

🌞Поро эр, пагалыме лудшына-влак! Таче 22 апрель. Калык пале-влак: 📌Кече шичме годым пыл чевер тӱсан – мардежлан. 📌Шопке чот пеледын, лышташнер шуко – тений шож лектыш сай лиеш. 📌Йӱр тиде кечын сай шурно лектышым сӧра. 📸 М.Скобелевын фотожо/ "Марий Эл" увер агентстве

Марий Эл Республикым Вуйлатыше Юрий Зайцев Кугече пайрем дене саламла! Марий Элыште илыше шергакан еҥ-влак! Христосын волгыдын ылыжмыже – Кугече пайрем – дене уло кумылын саламлем! Руш калыкын шукертсе йӱлаже Кугечым пайремлымаш Юмылан ӱшаныше-влакым иктыш чумыра да уло чон дене порым ышташ кумылаҥда. Тиде кугу пайрем мемнан шуко национальностян калыкланна курымла дене нравственный ориентир лийын кодеш да чонышто верым, ӱшаным, йӧратымашым пеҥгыдемда. Тыланда пеҥгыде тазалыкым, улан еш илышым, шӱм-чонышто ласкалыкым да татулыкым тыланем. Тек куанле Кугече кече кажне суртым шокшо да волгыдо дене тема, мемнам поро пашалан, лишыл еҥ-влак верч тыршаш кумылаҥда.