Предыдущая публикация
Печать пӧртыштӧ Россий Журналист ушемын Марий Элысе пӧлкаже профессионал пайремлан пӧлеклалтше мероприятийым эртарен.
Туштат идалык мучко ойыртемалтше журналист-влакым тӱрлӧ министерстве ден ведомство палемденыт, Марий Эл Тӱвыра, савыктыш да калык-влакын пашашт шотышто министерствын да ушемын эртарыме конкурсыштым иктешленыт.
Тачысе кечылан журналист организаций 300 утла еҥым уша. Тудым ынде идалыкат пеле жап Александр Абдулов вуйлата. Организаций журналист- влакым кумылаҥдыше, икте-весе коклаште кылым пеҥгыдемдаш полшышо мероприятийымат ятыр эртара. Саламлаш толшо Марий Эл правительстве председательын алмаштышыже-тӱвыра, савыктыш да калык-влакын пашашт шотышто министр Константин Ивановын ойлымыжо шарналтеш: «Савыктыш – илышын воштончышыжо, йырым-йыр вашталт толмым лач те ончыктеда. Газет, журнал, книга таче садак ик эн чын уверым пуышо да калыкнан йӱлаже ден историйжым аралыше семын кодыт. Тек тендан мастарлыкда сай уверым да мутын тӱвыражым аклыше-влакым ончыкыжымат куандараш тӱҥалеш». газетамарийэл.рф/ty-kechyn-...ӧrtyshtӧ/
Следующая публикация
Комментарии 1