Предыдущая публикация
Йошкар-Ола уремыш кум «Авангард» у троллейбус лектын.
Нуно 6-шо№-ан маршрут дене кудалышташ тӱҥалыт.
Кызытсе жаплан келыштарыме троллейбусышто кондиционерым, видеоэскерыме системым да ГЛОНАСС спутник навигацийым оборудоватлыме. Салон кӱкшӧ огыл, механическй пандус уло, инвалид коляскым шогалташ вер ситышын. 100 наре пассажир пура. Автономно 2 километрым кудал сеҥа.
Россий президент Владимир Путин Федеральный Собранийлан посланийыштыже тӱшка калыкым шупшыктышо транспортым уэмдыме кугу масштабан программым илышыш шыҥдараш тӱҥалме нерген увертарен.
Марий Эл вуйлатыше Юрий Зайцев ден республик правительстве подвижной составым уэмдыме шумлык кугу пашам шуктен шогат. Транспорт чот тоштемын, нуным олмыкташ да обслуживатлаш окса роскот ий еда кугемеш. Тидым шотыш налын, Марий Эл правительстве 2021 ийыште «Троллейбусный транспорт» предприятийлан финанс лизинг йӧн дене 10 у троллейбусым налын.
2023 ийыште 90 у автобусым, 2024 ийыште 5 троллейбусым налме. Кок троллейбусшо Йошкар-Ола урем дене тений июньышто, а моло кум троллейбусшо тений идалык мучаште маршрутыш лектыныт.
2024 ий ноябрьыште «Российын транспортшо» выстакыште Марий Эл правительстве ден «КАМАЗ» ПАО» коклаште ойпидышым пеҥгыдемдыме. Ончыкыжым тиде ПАО-н электротранспортшым да НЕФАЗ-ын лукмо автобусшо-влкым налаш палемдыме.
Марий Эл вуйлатышын пресс-службыжын уверже негызеш Лидия СЕМЕНОВА ямдылен.
Денис Речкинын фотожо
Следующая публикация
Нет комментариев