Предыдущая публикация
2025 ий марте улыжат 20 кече кодын.
У ийыштат "Марий Эл" ден "Сурт-пече" газетла гоч кылна шуйна манын, моткочак ӱшанена.
Подписке декаде эрла мучашлалтеш. Эше вараш кодын огыдал. Газетлан почто отделенийыш кайыде, интернет гочак возалташ лиеш. Ссылке почеш пурыза да келшыше газет ден тылзе-влакым палемден, подпискым ыштыза веле. Тыгай йӧн дене подпискым кажне тылзын ышташ лиеш. https://podpiska.pochta.ru/press/П3197 - "Марий Эл" https://podpiska.pochta.ru/press/П3213 - "Марий Эл" + "Сурт-пече" https://podpiska.pochta.ru/press/П3205 - "Сурт-пече".
Квитанцийдан копийжым редакцийыш колташ ида мондо - январь мучаште тӱрлӧ пӧлекым модылтена.
Редакцийышкына кажне кечын серыш-влак пурат. Конверт-шамычым ме куанен почына, вет тиде - лудшына дене кыл. Адресым ончаш оҥай - кушто да кӧмыт мемнам лудыт? Советский, Кужэҥер, Марий Турек, Параньга, У Торъял районла гыч шукыракла чучыт. Эн шукыжо - Шернур ден Морко кундемла гыч. А теве Звенигово, Волжский районла гыч квитанций кызытеш шагал пурен, кеч нине кундемлаште марий-влак шукынак илат, "марий" районлан шотлалтыт.
Вучен кодына серышдам, пагалыме йолташ-влак!
Тӱҥ редактор Светлана Пехметова
Следующая публикация
Нет комментариев