Ўзимиз ўзгармас эканмиз – жамият ҳам ўзгармайди

Ҳозирги вақтда одамлар орасида боқимандалик кайфияти кучайиб кетаётгандек гўё... Уйида свет ўчса, фарзанди ўқишга киролмаса, банкдан олган кредитини тўлолмаса ҳаммасига давлат айбдор.
Кимдир келиб муаммоларини ҳал қилиб беришини кутишади. Лекин ўзимизга бир савол бериб кўрайлик... Балким айб ўзимиздадир!!! Муаммоларни ечиш учун ҳаракат қилдикми?!
Фуқароларнинг молиявий ва ҳуқуқий саводхонлик даражаси паст бўлса, улар ҳаётда муаммоларга дуч келаверади. Уйизда свет ўчса, сизга хизмат кўрсатадиган ширкат ўз вазифаларини бажармаса, бундан норози бўлиб, норозилик вирусини бошқаларга тарқатиш билан шуғулланмасдан, муаммони ҳал қилиш учун ўзингиз ҳаракат қилиб кўринг. Қонунлар бўлса – бор. Ҳуқуқизни талаб қилсангиз ечим топилади.
Фарзандимиз ўқишга киролмаса, кўзимизга биринчи навбатда супер-контракт тўлаб ўқишга кираётганлар ва давлатнинг бу орқали пул ишлаётгани, гўёки бу тизим бизнинг бор-будимизни шилиб олиш учун ишлаб чиқилгандек кўринади гўё. Эй барака топкур, 11 йил фарзандингизни ўқишига эътибор қаратмаганиздан кейин ундан нима кутмоқчисиз.
Бир ой ёки бир йил ўқиб ўн бир йиллик билимни эгаллаб олишини исташингиз кулгили эмасми? Болларининг таълимига эътибор қаратган ота-оналарнинг фарзандлари грант асосида ўқишга қабул қилиняптику.
Яқинда бир блоггерни гапларини эшитиб роса кулгим келди. Банкдан олган кредитини тўлашга қийналяпти экан. Тагидаги машинани нарҳи 200 млн сўмдан ортиқлиги аниқ, менимча шуни кредитга олган бўлса керак.
Эй ноинсоф, давлат сенга мажбурлаб кредит бергани йўқку, ўзингни нафсингни қондириш учун олгансанку шу машинани. Кредит тўлашни истамас экансан, сал оддийроқ, арзонроғидан ол, шунда кредит тўлаб юрмасдинг.