Предыдущая публикация
УВАГА! Цікавая кніга!
Расліны ў сістэме традыцыйных ведаў беларусаў = Plants in the System of Traditional Knowledge of Belarusians / Т. В. Валодзіна [і інш.]; Нац. акад. навук Беларусі, Ін-т мастацтвазнаўства, этнаграфіі і фальклору імя Кандрата Крапівы. – Мінск: Беларуская навука, 2019. – 175 с.
Кніга прысвечана расліннаму свету ў сістэме ведаў, уяўленняў, абрадаў у беларускай вёсцы ХіХ–ХХі стагоддзяў. Самыя першыя даныя пра выкарыстанне раслін і зёлак дайшлі да нас са старых лячэбнікаў. Ужо нават у тыя часы пісары, якія перакладалі іх з лацінскай мовы, на палях ці то ў самім тэксце рукапісаў пакідалі звесткі пра выкарыстанне сродкаў раслінннага і жывёльнага паходжання.
Першыя крокі комплекснага вывучэння расліннага свету прадстаўлены ў дадзенай кнізе. Раней навукоўцы збіралі веды пра раслінны свет выключна з пункту гледжання духоўнай культуры: звязаныя з імі павер’і, абрады, звычаі ды каляндарныя святы. У гэты раз яны звярнулі ўвагу на традыцыю практычнага выкарыстання беларускай флоры, асабліва ў якасці лекаў.
Вучоныя падчас экспедыцый правялі шэраг інтэрв’ю з носьбітамі традыцыйных ведаў, знялі пра іх фільм, параўналі, наколькі ў XIX і XXI стст. назіраецца пераемнасць у выкарыстанні лекавых раслін.
Як зазначае Т. Валодзіна, «найпершая наша крыніца – носьбіты традыцыйных ведаў. Задача згаданага праекта – па магчымасці сабраць, занатаваць для нашчадкаў гэтыя веды і ў вялікай ступені выхаваць павагу да людзей, якія імі не толькі валодаюць, але і карыстаюцца. Яны сёння жывуць пераважна ў вёсках, невялікіх гарадах, нават у Мінску…»
У манаграфіі падаецца гісторыя нарадазнаўчага збірання звестак пра расліны, аналізуецца традыцыйная фітатэрапія, выкарыстанне дзікарослых раслін у сістэме харчавання. Фактычна свет зёлак і дрэў аўтар разглядае як адзіны «тэкст», дзе біялагічныя асаблівасці, гаспадарчае прымяненне раслін неадлучныя ад іх міфапаэтычнага асэнсавання.
Утрымліваюцца звесткі і пра этнабатаніку ЛЮБАНШЧЫНЫ, фэст траў “Гардовіца”.
Выданне прызначаецца фалькларыстам, этнолагам, батанікам, краязнаўцам, усім, хто цікавіцца народнай культурай і прыродай роднага краю.
фота любанских "зёлачнікаў" https://wildlife.by/recreation-and-tourism/articles/lekavyya-rasliny-kultury-belarusa/
#ЛюбанскийРайон #этнография #растения #этноботаника #КнигиНовинки
Следующая публикация
НОВЫЕ КНИГИ
Нет комментариев