Предыдущая публикация
УВАГА! Цікавая кніга!
КАЗКА 3 БЫЛЛЮ НАПАЛОВУ…
Выскварка, С. Казка з быллю напалову: легенды, паданні, былічкі і казкі Любаншчыны: метадычны зборнік. Кніга першая. Казкі. / Сяргей Выскварка; мастак Наталля Сухая. – Мінск, 2017. – 117с.
Традыцыйная народная проза – надзвычай цікавая з’ява фальклорнага мастацтва. Выданне знаёміць з разнастайнасццю і глыбінёй казачнай прозы Любаншчыны, дае ўяўленне пра развіццё і змены сюжэтных ліній, персанажаў казак, мовы выканаўцаў. Пад вокладкай гэтай кнігі сабраны казкі, запісаныя ад жыхароў Любанскага раёна Мінскай вобласці ў перыяд з 1975 па 2015 год.
У адным выданні захавана памяць некалькіх пакаленняў апавядальнікаў і праца некалькіх пакаленняў даследчыкаў. Самым старэйшым апавядальнікам стала Таццяна Філюта (1899 г.н.) з вёскі Рачэнь. Самым малодшым – Дарья Лапановіч (1998 г.н.), якая расказала ў 2005 годзе казку, перанятую ад сваёй бабулі з вёскі Шыпілавічы. Унікальная памяць і асаблівыя выканальніцкія здольнасці гэтых людзей паказваюць усю дасканаласць сюжэтных ліній казачнай прозы і дэманструюць багатую сакавітую народную мову.
Аўтар – Сяргей Выскварка – фалькларыст, даследчык традыцыйнай культуры Любаншчыны. Нарадзіўся ў вёсцы Пласток Любанскага раёна 11.07.1971 года. Першую казку пачуў ад сваёй бабулі Марылі Іосіфаўны Баркоўскай (1905 г. н.). У самастойных экспедыцыях па раёне запісаў шэраг казак ад носьбітаў мастацкіх традыцый Любаншчыны. Даследуе і распаўсюджвае фальклорныя традыцыі Любаншчыны. Па ініцыятыве Сяргея Выскваркі ў раёне прайшло два святы апавядальнікаў народнай прозы з удзелам аўтэнтычных выканаўцаў “Казкі бабулі Аўдулі” (2005, 2009 гг.).
Даследваннем былі ахоплены вёскі Баянічы, Закальное, Ямінск, Малыя Гарадзячыцы, Таль, Пласток, Закальное, Обчын, Куценка, Кузьмічы, Палічын. Асобна трэба адзначыць як найкаштоўных інфармантаў Андрэя Данілавіча Лапціка з вёскі Палічын, Адама Паўлавіча і Мальвіну Андрэеўну Лапцікаў з всёкі Куценка, Надзею Трафімаўну Сушчэня з вёскі Пласток.
У асобны раздзел вылучаны Баяніцкія казкі-байкі – своеасаблівыя жартоўныя расповеды вяскоўцаў пра сябе, якія дэманструюць сакавіты народны гумар.
Асноўная частка матэрыялаў друкуецца ўпершыню .
Шырокае бытаванне вуснай народнай прозы на Любаншчыне дазволіла арганізаваць у Любані свята народнай казкі “Казкі бабулі Аўдулі”, якое было названа ў гонар Аўдоцці Ляўчэні, ад якой была запісана найбольшая колькасць казачных твораў. Збіраюцца на свята апавядальнікі розных узростаў, ад старэйшага пакалення да самых маленькіх.
Следующая публикация
НОВЫЕ КНИГИ
Комментарии 3