Дарья — «Студотряд-влакын Миссше» 👑

Март мучаште «Мисс и мистер студенческих отрядов Республики Марий Эл» конкурс эртаралтын. МарГУ-со историй да филологий факультетын студенткыже Дарья Иванова тушто чылаштым ончылтен. Да конкурсын Нижний Новгород олаште эртаралтше Юл кундем федеральный округысо этапыштыже республикнан чапшым арален.
Дарья – Звенигово ола гыч. Чакмарий кыдалаш школыш коштын. Сайын тунемын веле огыл, тӱрлӧ мероприятийыш ушнен. Чолгалыкшым ончыктымылан да конкурслаште сеҥымыжлан «Артек» лагерьыш ик гана веле огыл канаш колтеныт.