Студентке-влаклан – 100 тӱжем теҥге

Марий Элым Вуйлатыше Ю.Зайцев йочам вучышо да мӱшкыран-влакын учётышкышт шогалше студентке-влаклан 100 тӱжем тӱлымӧ нерген пунчалым подписатлен.
Тыге самырык ава-влаклан полшаш палемдыме. Тидыже «Семья» нацпроект почеш шукталтеш.
Ты окса профессиональный але кӱшыл шинчымашым налше, очно тунемше-влаклан пуалтеш. Тудым налаш документым Госуслуго порталыште вераҥдаш, МФЦ-ыш але собесыш миен пуаш лиеш.
📸 freepik.com