Предыдущая публикация
Чеверын, 2024 ий!
Салам, 2025 ий!
Людмила ГРИГОРЬЕВА, В.М.Васильев лÿмеш МарНИИЯЛИ-н директоржо, филологий науко кандидат:
– 2024 ийыште Марий шымлыше институт лу шанче книгам савыктыш, «Финнугроведений» журналым ик ийлан ныл гана лукташ тÿҥале. Шанче экспедицийлаште поян материалым погымо.
«Йошкар-Олан историйже» монографий «Идалыкысе книга» лÿмым сулыш. Вес монографий дене Москошто ВДНХ-ште палдарышна. Тыгай институтын историйыштыже лийын огыл.
Йошкар-Ола Российысе финн-угровед-влакым, 30 ий эртымек, VII шанче конференцийыш чумырыш. «Российысе регионлаште калык да конфессий-влак коклаште вашкыл» конференций Йошкар-Олаште икымше гана эртаралте. «Элын сарзе историйыштыже регион-влакын верышт» конференцият поснак кӱлешаныш савырныш. Россий науко академий пеленысе Этнологий да антропологий институт дене кылым ыштен, ик самырык еҥым тений Москош туныкташ колтышна. 1992 ий деч вара тушто Марий Эл гыч тунемше лийын огыл.
Институт зданийым олмыкташ проектно-сметный документацийым ямдылышна, окна-влакым уэмдышна.
Тÿнямбалысе тыныс илыш верч, икте-весе дене келшен, икоян лийын, поро мутым шукырак ойлен илен мошташ уш-акыл пÿсылыкна, вий-куатна ешаралтышт. Йöратыме кугезе тукымна дечак аралалт толшо шочмо йылмына, йÿлана, юмыйÿлана корнынам олгалтарышт. Тек У ийыште кажне ешыште еш перке лиеш.
Следующая публикация
Нет комментариев