Предыдущая публикация
СӸНГӸМӒШЛӒН САЛЮТ!
«Салют Победы» фестиваль пакыла шыпшылтеш. Рушӓрнян Волжск хала дон Кырык мары районын артиствлӓ сценӹшкӹ лӓктӹнӹт.Республикӹн кок муниципалитетге анжышывлӓм, жюрин членвлӓм участниквлӓштӹн номервлӓ доно, кыдывлӓ ӹшкӹмӹштӹн культура пайдаштым сценӹшкӹ лыктыныт, пишок сусуэмденӹт. Залышты шӹнзӹшӹвлӓ цевер костюман мырызы дон куштышывлӓм, кӓрш шактышывлӓм ӹвӹртен анженӹт, халыкнан мастарлыкшы доно когоэшнен кердӹнӹт.
Мары Элӹн ӹрдӹ халаштыжы Сӹнгӹмӓшлӓн XXX и лӹмеш Культура Дворецӹштӹ «Салют Победы» республика кӱкшӹцӹштӹ эртӓрӓлтшӹ халык творчествын фестиваль кӹшкӓрӹштӹ церот – Кырык мары муниципальный районын. 16 мартын "Ярдымы вырсым ӓштен" («Память пылающих лет») кого концертӹм районын ансамбль дон творческий коллективвлӓ 1941-1945 ивлӓн ылшы Кого Отечественный вырсышты Сӹнгӹмӓшлӓн 80 и шомы лӹмеш анжыктенӹт.
Концерт вырсы темым халык творчествын шукы жанржы гач пачын пуэн, артиствлӓ пиш кӱкшӹ мастарлыкым анжыктенӹт. Мыры дон куштымашвлӓ гач совет салтаквлӓн лӱдӹшлӓ вырсышты кредӓлмӹштӹм веле агыл, тенгеок тилышты труйышывлӓн нелӹ пӓшӓштӹмӓт пачын пуэн кердӹнӹт.
ДК-н фойештӹ кырык мары кид пӓшӓн декоративно-прикладной творчествын мастарлыкым анжыктышы паян, пиш яжо выставкым вӓрӓнгдӹмӹ ылын. «Салтакыш ыжатымаш» овуцам анжыктышы театрализованный сценка 80 и первишӹмок сӓрӓл толмыла чучын. Выставкым Мары Эл Республикӹн Государственный собранин Председатель Михаил Васютин тӹшлен анжен лӓктӹн, а концертӹштӹ Кырык сиреш шачшывлӓ лошты тенгеок Мары Элӹн пӹтӓришӹ президент Владислав Зотин ылын.
Фестивальышты район верц выступаяш йӧн шотеш пиштӹмӓш доно техень коллективвлӓлӓн дӓ солиствлӓлӓн пумы ылын: «Топотушки» халык куштымаш образцовый ансамбльлан, «Восток» шоу-балет хореографический студилӓн, «Мистерия» хореографический студилӓн, «Фантазия» образцовый вокальный ансамбльлан, «Лира» халык вокальный ансамбльлан, «Аяр» вокальный группылан, В.Куприянов лӹмӓн тетя музыкальный школын кӓрш ансамбльлан, солиствлӓ Любовь Ласточкиналан, Сергей Коротковлан; Ирина Ларкинан вуйлатымы кым эдемӓн группылан, вокальный триолан –Дмитрий Захаров, Роман Подлекарев дӓ Артём Марченколан.
«Анжышывлӓ районын творческий коллективвлӓн выступленивлӓштӹм пиш шокшын вӓшлинӹт. Яжон тумаен ӹштӹмӹ сценари: кырык мары йӹлмӹ доно мырымы вырсы жепӓш, специальный военный операцилӓн келшӹшӹ мырывлӓ, мырызывлӓн профессионал ылмышты, первишӹ фотографивлӓ – концертӹм анжышы земляквлӓн йӓнгӹшкӹ сӹнзӓвӹдӹм лыкмешкӹ шоныт. Отечествым перегӹшӹвлӓм ӓштӹмӓш – мӓмнӓн долгна. Цилӓлӓн пуры, тыр дӓ келшӹмӓш лижӹ», - VK соцсетьӹн ӹшке страницӹштӹжӹ Ангелина Речкина, республиканский «Лира» искусство тетя школын директоржы, сирен
«Мӹнь Кырык мары районын отчетный концертӹн участникшӹ дӓ «Шанс» театральный студи доно иквӓреш сценӹштӹ ылмем доно когоэшнем. Мӓмнӓн землякна, СВО-н Герой Кириллов Аркадий Аркадьевич – «Раджа», йӓнгжӹ доно сагана ылын. Тӓ шӱмешнӓ курымеш кодыда!» - VK соцсетьӹштӹ Наталья Гаранина, Виловат солашты ӹлӹшӹ, СВО-н участникӹн пелӓшӹжӹ, гуманитарный палшыкым ӹштӹшӹ активный ӹдӹрӓмӓш, пӓлемден.
«Салют Победы» фестиваль эче ик гӓнӓ Кого Отечественный вырсышты сӹнгӹшӹвлӓ гишӓн ӓшӹндӓрӹмӓшӹм, сӓмӹрӹквлӓм патриотеш тымден куштымашым пӓлдӹртен. Вет фестиваль тетявлӓмӓт, шукы национальностян эдемвлӓмӓт ушен, кӱвлӓ сӓндӓлӹкнӓ доно когоэшнӓт.
Цилӓ организатор, вуйлатышы, коллективвлӓн артиствлӓлӓн «Салют Победы» фестивалеш пиш яжон йӓмдӓлӓлт шоктымылан дӓ кӱкшӹ мастарлык доно концертӹм анжыктымылан кого таум келесенӓ манын, районын культура отделын соцсетьӹн страницӹштӹ пӓлемдӹмӹ. Тӓмдӓн мыштымашда дӓ пӓшӓлӓндӓ ӹнян ылмыда велдӹк мондаш лидӹмӹ дӓ пиш керӓл концертӹм Йошкар-Олан тӹнг культура дворецӹштӹ эртӓрен колтымы. Ти событи эдемвлӓм ик кого шанымаш йӹр ушен, исторический ӓшӹндӓрӹмӓшӹм переген кодымы дӓ патриот кымылна верц ӹштӓлтӹн
Шергӓкӓн тӓнгвлӓ, Кырык мары районын сола кымдемвлӓн Культура пӧртвлӓштӹ Сӹнгӹмӓшлӓн 80 и лӹмеш «Туан солана мыра» халык творчествын фестиваль-конкурс тӹнгӓлӓлтӹн.
Тӓмдӓмӓт ти концертвлӓшкӹ ушнаш ӱжӹнӓ!
7-шӹ майын Мары Элӹн халык творчество «Салют Победы» фестивальын гала-концерт лишӓшлык, кышты хала дон районвлӓн сек яжо номервлӓ анжыктымы лит.
С.ИЛЬИНА. «Жерӓ» №11 (10939), 21 март 2025 ин.
Концерт вырсы темым халык творчествын шукы жанржы гач пачын пуэн, артиствлӓ пиш кӱкшӹ мастарлыкым анжыктенӹт. Мыры дон куштымашвлӓ гач совет салтаквлӓн лӱдӹшлӓ вырсышты кредӓлмӹштӹм веле агыл, тенгеок тилышты труйышывлӓн нелӹ пӓшӓштӹмӓт пачын пуэн кердӹнӹт.
ДК-н фойештӹ кырык мары кид пӓшӓн декоративно-прикладной творчествын мастарлыкым анжыктышы паян, пиш яжо выставкым вӓрӓнгдӹмӹ ылын. «Салтакыш ыжатымаш» овуцам анжыктышы театрализованный сценка 80 и первишӹмок сӓрӓл толмыла чучын. Выставкым Мары Эл Республикӹн Государственный собранин Председатель Михаил Васютин тӹшлен анжен лӓктӹн, а концертӹштӹ Кырык сиреш шачшывлӓ лошты тенгеок Мары Элӹн пӹтӓришӹ президент Владислав Зотин ылын.
Фестивальышты район верц выступаяш йӧн шотеш пиштӹмӓш доно техень коллективвлӓлӓн дӓ солиствлӓлӓн пумы ылын: «Топотушки» халык куштымаш образцовый ансамбльлан, «Восток» шоу-балет хореографический студилӓн, «Мистерия» хореографический студилӓн, «Фантазия» образцовый вокальный ансамбльлан, «Лира» халык вокальный ансамбльлан, «Аяр» вокальный группылан, В.Куприянов лӹмӓн тетя музыкальный школын кӓрш ансамбльлан, солиствлӓ Любовь Ласточкиналан, Сергей Коротковлан; Ирина Ларкинан вуйлатымы кым эдемӓн группылан, вокальный триолан –Дмитрий Захаров, Роман Подлекарев дӓ Артём Марченколан.
«Анжышывлӓ районын творческий коллективвлӓн выступленивлӓштӹм пиш шокшын вӓшлинӹт. Яжон тумаен ӹштӹмӹ сценари: кырык мары йӹлмӹ доно мырымы вырсы жепӓш, специальный военный операцилӓн келшӹшӹ мырывлӓ, мырызывлӓн профессионал ылмышты, первишӹ фотографивлӓ – концертӹм анжышы земляквлӓн йӓнгӹшкӹ сӹнзӓвӹдӹм лыкмешкӹ шоныт. Отечествым перегӹшӹвлӓм ӓштӹмӓш – мӓмнӓн долгна. Цилӓлӓн пуры, тыр дӓ келшӹмӓш лижӹ», - VK соцсетьӹн ӹшке страницӹштӹжӹ Ангелина Речкина, республиканский «Лира» искусство тетя школын директоржы, сирен
«Мӹнь Кырык мары районын отчетный концертӹн участникшӹ дӓ «Шанс» театральный студи доно иквӓреш сценӹштӹ ылмем доно когоэшнем. Мӓмнӓн землякна, СВО-н Герой Кириллов Аркадий Аркадьевич – «Раджа», йӓнгжӹ доно сагана ылын. Тӓ шӱмешнӓ курымеш кодыда!» - VK соцсетьӹштӹ Наталья Гаранина, Виловат солашты ӹлӹшӹ, СВО-н участникӹн пелӓшӹжӹ, гуманитарный палшыкым ӹштӹшӹ активный ӹдӹрӓмӓш, пӓлемден.
«Салют Победы» фестиваль эче ик гӓнӓ Кого Отечественный вырсышты сӹнгӹшӹвлӓ гишӓн ӓшӹндӓрӹмӓшӹм, сӓмӹрӹквлӓм патриотеш тымден куштымашым пӓлдӹртен. Вет фестиваль тетявлӓмӓт, шукы национальностян эдемвлӓмӓт ушен, кӱвлӓ сӓндӓлӹкнӓ доно когоэшнӓт.
Цилӓ организатор, вуйлатышы, коллективвлӓн артиствлӓлӓн «Салют Победы» фестивалеш пиш яжон йӓмдӓлӓлт шоктымылан дӓ кӱкшӹ мастарлык доно концертӹм анжыктымылан кого таум келесенӓ манын, районын культура отделын соцсетьӹн страницӹштӹ пӓлемдӹмӹ. Тӓмдӓн мыштымашда дӓ пӓшӓлӓндӓ ӹнян ылмыда велдӹк мондаш лидӹмӹ дӓ пиш керӓл концертӹм Йошкар-Олан тӹнг культура дворецӹштӹ эртӓрен колтымы. Ти событи эдемвлӓм ик кого шанымаш йӹр ушен, исторический ӓшӹндӓрӹмӓшӹм переген кодымы дӓ патриот кымылна верц ӹштӓлтӹн
Шергӓкӓн тӓнгвлӓ, Кырык мары районын сола кымдемвлӓн Культура пӧртвлӓштӹ Сӹнгӹмӓшлӓн 80 и лӹмеш «Туан солана мыра» халык творчествын фестиваль-конкурс тӹнгӓлӓлтӹн.
Тӓмдӓмӓт ти концертвлӓшкӹ ушнаш ӱжӹнӓ!
7-шӹ майын Мары Элӹн халык творчество «Салют Победы» фестивальын гала-концерт лишӓшлык, кышты хала дон районвлӓн сек яжо номервлӓ анжыктымы лит.
С.ИЛЬИНА. «Жерӓ» №11 (10939), 21 март 2025 ин.
Следующая публикация
Нет комментариев