Предыдущая публикация
Отечествым перегӹшӹн ин 8 мемориальный объектӹм уэмден тӧрлӓт
Сӹнгӹмӓшлӓн 80-шы ин республикӹштӹ 228 кого событим эртӓрӓш планышты ылеш. Тишкок мемориальный объектвлӓм уэмдӹмӓш пыра, кыдывлӓ Йошкар-Олашты дӓ Звенигово районышты ӹштӹмӹ лит. Тенгеок Культурын Тӹнг парк йӹр яжоэмдымӓш эртӓрӓлтеш. Тидӹлӓн 10 млн тӓнгӓ керӓл лиэш.
«Цилӓ мероприяти республикӹлӓн Сӹнгӹмӓшлӓн 80 им керӓл семӹнь вӓшлиӓш йӧн лиэш. Мам планышкы пыртымы, цилӓ ӹштен шокташ келеш», - Юрий Зайцев совещани годым келесен.
Икманяр мероприятим тагачшы кечеш эртӓрӹмӹ. Кӹзӹт «Вахта памяти» акциэш цӓмдӹлӓлтмӓш тӹнгӓлӓлтӹн, кыды 9 апрель гӹц 9 май якте шыпшылтеш, вара «Свеча Памяти» гражданско патриотический акци лишӓшлык. И «Время твоих Побед!» республикӹштӹ эртӓрӹмӹ патриотический форум доно иктешлӹмӹ лиэш.
Мары Эл Республика Главан Администрацин пресс-службын отдел. «Жерӓ» №11 (10939), 21 март 2025 ин.
Следующая публикация
Нет комментариев