Предыдущая публикация
Мары Элӹштӹ газификаци 80,1 процент
Тидӹ российский икпоратка показатель гӹц кого, кыды 74,7 % ылеш.«Техень кӱкшӹцӹшкӹ шоаш «Газпром» ПАО доно икышын пӓшӓлӹмӓш палшен. Регионын экономикӹм лӱктӓлӓш пакылаат ти пӓшӓм виӓнгдӹмӹлӓ. Республикӹн Правительство газификацин объектвлӓм ӹштӹмӹ годым палшыкым пуаш йӓмдӹ ылеш», - Мары Элӹн Глава манын.
2024-шӹ ин республикӹштӹ 140 км газ пычым шыпшмы. 26 объектӹштӹ пӓшӓм пӹтӓрӹмӓш 19 солашты 1 400 томашкы газым пырташ Звенигово, Медведево, Моркы, У Торъял дӓ Советский районышты йӧнӹм ӹштен.Тене эче 12 солашкы газ пыртымы лиэш, 550 томашкы пырташ келеш. Мары Эл Российӹштӹ догазификаци программа доно 2-шы вӓрӹштӹ ылеш.
9 тӹжем тома газым пырташ йӓмдӹ ылеш. 9,2 тӹжем ядмаш улы, тӹшец 8,8 тӹжем ядмашым ӹлӹмӓшкӹ пыртымы.
Социальный инфраструктурын объектвлӓм паснаок шотышкы нӓлмӹ, 11 объектӹшкӹ газым пумы – куд школышкы, кок тетя садышкы, кым ФАП-ышкы Оршанка, Моркы, У Торъял дӓ Кырык мары районвлӓштӹ.
Мары Эл Республика Главан Администрацин пресс-службын отдел. «Жерӓ» №11 (10939), 21 март 2025 ин.
Следующая публикация
Нет комментариев