2024-шӹ ин ЖКХ сферӹн проектвлӓлӓн нӹл млрд. тӓнгӓм пумы

Мары Элӹн Глава тӹ сферӹштӹ пӓшӓлӹшӹвлӓм празньык кечӹштӹ доно кымылангден.

Юрий Зайцев таум келесен дӓ пӓшӓштӹ пиш керӓл ылмым пӓлемден.

Кӹзӹт РФ Президентӹн, республикӹн Главан дӓ шачмы вӓрӹштӹ ӹлӹшӹвлӓ велдӹк солавлӓн цӹрештӹ вашталтеш: парк дӧн сквервлӓм ӹштӓт, спорт дӓ тетявлӓлӓн кӓнӹмӹ вӓрвлӓм тӧрлӓт, лапкам, поликлиникӹм, школым пачыт, вӹд дӓ газ улы.

Яжошкыла ти вашталтмашвлӓ национальный проектвлӓ, индивидуальный дӓ государственный программывлӓ, республикӹн мероприятивлӓ велдӹк ӹштӓлт кердӹнӹт.

2024-шӹ ин отрасль яралеш толшы пӓшӓм анжыктен. Имештӹ куд котельныйым газ доно ӹрӹктӹмӓшкӹ ваштымы, коктым угӹц ӹштӹмӹ. Тидӹлӓн 42,5 млн. тӓнгӓ керӓл лин.

Пӓшӓ пакыла у «Инфраструктура для жизни» нацпроект семӹнь кеӓш тӹнгӓлеш, 54 вӓрӹм уэмден тӧрлӹмӹлӓ.

2019-2024-шӹ ивлӓн шукы квартирӓн 400 тома гӹц эдемвлӓм у ӹлӹмӹ вӓрвлӓшкӹ ваштымы. Шукы квартирӓн 105 томам тӧрлӹмӹ.

«Чистая вода» федеральный проект велдӹк халашты вӹд 99,9%, а солашты 93,9% эдемвлӓ докы ире толеш.

2023-шы ин Мары Эл дон Запорожский областьын Куйбышевский район доно пӓшӓ шотышты келшӹмӓш улы, седӹндон луаткок объектӹштӹ аварим карангдымы.

Мары Эл Республика Главан Администрацин пресс-службын отдел. «Жерӓ» №11 (10939), 21 март 2025 ин.