Предыдущая публикация
ДЗЕНЬ У ГІСТОРЫІ.
31 снежня.
1579 - Памёр Валяр'ян Пратасевіч-Шушкоўскі, дзяржаўны і рэлігійны каталіцкі дзеяч Вялікага княства Літоўскага. Нарадзіўся ў маёнт. Шушкова (цяпер Лагойскі р-н) каля 1509 г.
1802 - Нарадзіўся Максіміліян Рыла (мяст. Падароск, цяпер Ваўкавыскі р-н), філосаф, археолаг, каталіцкі місіянер на Блізкім Усходзе і ў Афрыцы.
1916 - У Варшаве(?), Польшча памёр Казімір Альхімовіч, мастак, удзельнік паўстання 1863-1864 гг.
1976 - У Мельбурне (Аўстралія) пачалася (доўжылася да 3 студзеня 1977 г.) Першая Сустрэча Беларусаў Аўстраліі. Заснавана Федэральная Рада Беларускіх Арганізацыяў у Аўстраліі.
1991 - Памёр Юры Астроўскі, біяхімік, акадэмік, грамадскі дзеяч, пахаваны на могілках на прасп. Касманаўтаў у Гародне.
1992 - Беларускія вайскоўцы, памежнікі і супрацоўнікі КДБ склалі прысягу на вернасць Беларусі. Гэтым актам завяршылася юрыдычнае афармленне ўласных Узброеных Сіл і органаў дзяржбяспекі.
2000 - Памерла Вера Церлюкевіч, удзельніца грамадска-палітычнага руху, сябар Кансерватыўна-Хрысціянскай Партыі Беларускі Народны Фронт. Нарадзілася ў 1941 г.
Следующая публикация
Нет комментариев