Предыдущая публикация
ДЗЕНЬ У ГІСТОРЫІ.
20 снежня.
1840 - Нарадзіўся Казімір Альхімовіч (в. Дэмбрава, цяпер Шчучынскі р-н), мастак, удзельнік паўстання 1863-1864 гг.
1890 - Нарадзіўся Аскар Марыкс (г. Львоў, Украіна), тэатральны мастак, педагог.
1890 - Нарадзіўся Язэп Дашута (Саколка, цяпер Падляскае ваяв., Польшча), каталіцкі святар-марыянін.
1910 - Нарадзіўся Вітаўт Тумаш (в. Сцягліца, цяпер Вілейскі р-н), грамадскі дзеяч, медык, скарыназнавец, дзеяч эміграцыі ў Нямеччыне і ЗША.
1924 - У Латвіі заснавана культурна-асветнае таварыства беларускай інтэлігенцыі "Беларуская хата" (дзейнічала да 29 кастрычніка 1930 г.).
1937 - У Менску расстраляны Васіль Дружчыц (Друшчыц), гісторык; Сцяпан Некрашэвіч, мовазнавец, грамадскі дзеяч; Міхаіл Піятуховіч, літаратуразнавец, педагог.
2000 - Памёр Янка Золак (сапр. Антон Даніловіч), паэт, грамадскі дзеяч эміграцыі ў ЗША. Пахаваны на беларускіх могілках у Саўт-Рыверы (Нью-Джэрсі, ЗША).
2004 - У Полацку памёр Васіль Мядзелец, дзеяч нацыянальна-вызваленчага руху, адзін з кіраўнікоў "Саюза Беларускіх Патрыётаў", вязень савецкіх канцлагераў. Нарадзіўся ў в. Ружанполле, цяпер Міёрскі р-н (1928 г.).
Следующая публикация
Нет комментариев