Предыдущая публикация
🏫 Тури Чакă культура ҫурчĕнче Ҫĕнĕ ҫулта пĕрремĕш концерт иртрĕ.
💃 Владимир Леонтьев, Зоя Никифорова, Елена Леонтьева куракансене илемлĕ юрăсемпе, сăвăсемпе савăнтарчĕҫ.
🎶 Шăпчăк сассиллĕн шăрантарчĕҫ юррисене илемлĕ кĕвĕ юхнă май. Тарăн шухăшлă ĕлĕкхи ҫаврăмсем халăх фольклорĕ еплерех пуяннине кăтартса пачĕҫ.
🙏 Артист артистах иккен. Ҫавăншăн алла илнĕ пуль ҫак профессие. Куракана пĕрре те тунсăхама памасть. Мĕн концерт вĕҫлениччен куҫ илмерĕмĕр сцена ҫинчен.
😢 Шел пулин те, паянхи кун эпир куршĕ патне те каҫмастпăр, ҫын инҫетрен пирĕн пата ҫитнине те хакламастпăр, ҫур ҫухрăм тăрăшшĕ утса килме те уркенетпĕр. Ялан килте ĕҫ тупăнать е телевизор. Кайран калатпăр: «Халь манăн кÿршĕ ҫĕр ҫинче те ҫук — курса калаҫса та ĕлкĕреймерĕм, тен, ăшă сăмах каласа хавхалантармаллаччĕ...»
💢 Тепĕр концерт кăрлач уйăхĕн 7-мӗшӗнче пулать. Виктор Петров Игорь Ермаковпа, Светлана тата Виталий Ивановсемпе килет. Ҫак концертсене канмалли кунсенче пĕрле пухăнса калаҫма йĕркелетпĕр.
😄 Хапăл туса кĕтетпĕр Тури Чакă культура ҫурчĕнче.
Следующая публикация
Нет комментариев